આ અંગે પ્રાપ્ત થતી વિગતો અનુસાર દુર્ઘટના લાતૂરની નજીક કોલ્પા વિસ્તારમાં થઇ છે. જાણવા મળી રહ્યું છે કે બે વાહનો વચ્ચે સામસામે એટલી જોરદાર અથડામણ થઇ કે એમાંથી એક વ્હીકલનો કચ્ચરઘાણ થઇ ગયો. દુર્ઘટનામાં 7 લોકોના મોત થઇ ગયા હતા અને 13 લોકો ઘાયલ થઇ ગયા છે જેમને સારવાર માટે હોસ્પિટલમાં દાખલ કરવામાં આવ્યા છે. દુર્ઘટના બાદ પોલીસ ઘટનાસ્થળ પર પહોંચી અને કેસ દાખલ કરીને તપાસ શરૂ કરી દીધી છે.