મુંબઇઃ સોશિયલ મીડિયા પર સાવધાનીથી કામ કરવુ પડે છે. જો કોઇ ભૂલ મોટી પાર્ટી કે નેતાથી થઇ જાય તો તેની મોટી કિંમત ચુકવવી પડે છે. માત્ર એક ભૂલથી ટ્રોલ થવામાં વાર નથી લાગતી. આવું જ કઇ મહારાષ્ટ્રમાં ભાજપ સાથે થયું છે.
મહારાષ્ટ્ર ભાજપના હૈંડલ પર સવારના સમયે એક ટ્વીટ કરવામાં આવ્યું. આ ટ્વીટમાં ભાજપે પોતાની જ ફડણવીસ સરકાર પર નિશાન તાક્યું છે. મહારાષ્ટ્ર ભાજપાના ટ્વીટર હૈંડલથી કરવામાં આવેલા ટ્વીટમાં લખ્યું છે કે રાજ્યમાં એક તરફ 2 લાખ કર્મચારીઓની જરૂરત છે. ત્યારે બીજી તરફ દેવેન્દ્ર ફડણવીસ સરકાર 30 ટકા કર્મચારીઓને કાઢી રહી છે.
આ મેક ઇન મહારાષ્ટ્ર નથી પરંતુ ફૂલ ઇન મહારાષ્ટ્ર યોજના છે. આશ્ચર્યની વાત તો એ છે કે ભાજપે પોતાની વિરૂદ્ધ કરેલી આ ટ્વીટમાં કોંગ્રેસ નેતાઓને પણ ટેગ કરી છે. જો કે પોતાની ભૂલ ધ્યાનમાં આળતા એક કલાક બાદ ભાજપે ટ્વીટ ડિલીટ કરી દીધી હતી. જો કે ત્યા સુધી આ ટ્વીટ વાઇરલ થઇ ગઇ.