રાજકોટઃ બોમ્બે હાઉસિંગ બોર્ડના વિસ્તારમાં લૂંટની ઘટના સામે આવી છે. 4 લૂટારાઓએ ઘરમાં ઘૂસીને છરીની અણીએ 20 તોલા સોનુ અને 20 હજાર રૂપિયાની લૂંટ કરી છે. આ ઘટના સર્જાતા સમગ્ર વિસ્તારમાં અફરા-તફરીનો માહોલ સર્જાયો હતો. આ ઘટનાની જાણ થતા પોલીસના અધિકારીઓ ઘટના સ્થળે દોડી આવ્યા અને આગળની કાર્યવાહી શરૂ કરી છે.
ઘર માલીકે જણાવ્યું કે સવારના ચાર વાગ્યા આસપાસ ઘરે બધા સુતા હતા. તે સમયે કોઇએ દરવાજો ખટખટાવ્યો હતો. દાદાએ દિકરો આવ્યો એવું સમજી દરવાજો ખોલ્યો હતો. તરત 4 લોકો ઘરમાં ઘૂસી ગયા. દાદાને ત્રણ-ચાર લાકડીઓ મારી અંદર લઇ ગયા અને બેસાડી દીધા.
તેમની પાસે પિસ્તોલ અને છરી સહિતના હથિયારો હતા. જેનાથી ડરાવી ધમકાવી અંદર પ્રવેશી ગયા હતા. 4 લૂંટારૂઓએ લૂંટ આદરી હતી. બન્ને રૂમમાં મળીને મોટાભાઇ-ભાભીનું સોનુ લૂંટી ગયા. સાથોસાથ 20 હજાર જેટલી રોકડ રકમ પણ લૂંટી ગયા હતા.