LG V30+ ભારતમાં લોન્ચ વાયરલેસ ચાર્જિગ અને ફેસ IDને કરશે સપોર્ટ

LGએ આજે ભારતમાં પોતાનો ફ્લેગશિપ સ્માર્ટફોન LG V30+ લોન્ચ કરી દીધો છે. આ સ્માર્ટફોનને નવી દિલ્હીમાં એક ઇવેન્ટ દરમિયાન લોન્ચ કરવામાં આવ્યો છે. આ સ્માર્ટફોનની ઘણી ખાસિયતો છે જેમાં ફૂલ વિઝન ઓલેડ ડિસ્પ્લે અને ડ્યુઅલ રિયર કેમેરા શામેલ છે.

કંપની અનુસાર આ સ્માર્ટફોનનમાં IP68  સર્ટિફાઇડ છે એટલે કે ફોન સંપૂર્ણ રીતે વૉટર રેજિસ્ટન્ટ છે. આ સિવાય તેમાં ફેશિયલ રિકૉગ્નેશન અને વૉયસ રિકૉગ્નેશન ફિચર્સ આપવામાં આવી છે જેમાં આ સ્માર્ટફોનને અનલૉક કરી શકાશે.

LG V30+ની કિંમત 44 990 રૂપિયા છે અને જેનું વેચાણ 18 ડિસેમ્બરે શરૂ થશે. આ સ્માર્ટફોન માત્ર એમેઝોન ઇન્ડિયાની વેબસાઇટ પર મળશે જે ઓરેરા બ્લેક અને ક્લાઉડ સિલ્વર વેરિયન્ટની સાથે ઉપલબ્ધ હશે. આ સ્માર્ટફોનની બુકિંગ ગુરુવારથી શરૂ થશે.

કંપનીની કેટલીક ઑફર્સ રસપ્રદ છે. શરૂઆતી કસ્ટમર્સને 12000 રૂપિયાની બરાબરની વન ટાઇમ સ્ક્રીન રિપ્લેસમેન્ટ મળશે અને એક ફ્રી વાયરલેસ ચાર્જર આપવામાં આવશે જે 3000 રૂપિયાનું હશે. આ માટે તમારે કેટલાક રૂપિયા એક્સ્ટ્રા આપવાના રહેશે.

6 ઇંચ ક્વૉડ HD ડિસ્પ્લે ધરાવતા આ સ્માર્ટફોનમાં ક્વૉલ્કોમ સ્નેપડ્રેગન 835 પ્રોસેસર આપવામાં આવ્યુ છે. LG V30+ માં 4GB RAm છે જેની ઇન્ટરનલ મેમરી 64GB છે. જોકે LG V30+ માં ઇન્ટરનલ મેમરી 128GB છે જેને માઇક્રો SD કાર્ડની મદદથી વધારી શકાશે. સારી સાઉન્ડ ક્વૉલિટી માટે Hi-Fi Quad DAC લગાવવામાં આવ્યુ છે. સેલ્ફી માટે તેમાં 90 ડિગ્રીનો વાઇગ એન્ગલ લેન્સ કેમેરા આપવામાં આવ્યો છે જેનું અપર્ચર f/2.2 છે.

ફોટોગ્રાફી માટે તેમાં ડ્યુઅલ રિયર કેમેરા સેટઅપ આપવામાં આવ્યુ છે. જેમાં એક લેન્સ 16 મેગાપિક્સલનો છે જે f/1.6 અપર્ચર ધરાવે છે. બીજો લેન્સ 13 મેગાપિક્સલનો છે અને 120 ડિગ્રીનો છે. કંપની અનુસાર તેમાં લેઝર ઑટોફોકસલ આપવામાં આવ્યું છે. સેલ્ફી માટે તેમાં 5 મેગાપિક્સલનો ફ્રન્ટ કેમેરા છે જેમાં અર્પચર f/2.2 અને 90 ડિગ્રીનો છે.

ક્નેક્ટિવિટીની જો વાત કરવામાં આવે તો LGના ફ્લેગશિપ સ્માર્ટફોનમાં 4G VoLTE અને GPS સહિત બ્લૂટૂથ USB ટાઇપ સી અને માઇક્રો USB જેક આપવામાં આવ્યો છે. આ સ્માર્ટફોનની બેટરી 3 300mAhની છે.