સુરત:કચ્છ એક્સપ્રેસ ટ્રેનનું ફરી એકવાર ચેઈન પુલિંગ થયું છે.ટ્રેનમાં પાસ હોલ્ડરોને મુસાફરોએ ટ્રેનમાંથી ઉતારી દેવાની ઘટના સામે આવી છે.વલસાડથી વાપી અને મુંબઈ જઈ રહેલા મુસાફરોએ પાસ હોલ્ડરોને ચેઈન પુલિંગ કરીને ટ્રેનમાંથી નીચે ઉતારી દીધા.
જેથી 300 જેટલા પાસ હોલ્ડર 1 કિમી સુધી ચાલીને સ્ટેશને પહોંચ્યા હતા.રિઝર્વેશન કોચમાં આવી જતા પાસ હોલ્ડરને હાંકી કઢાયા હતા.જોકે આ મામલે પાસ હોલ્ડરોએ સ્ટેશન પર હોબાળો મચાવ્યો છે..અને પાસ હોલ્ડરોએ સ્ટેશન માસ્ટરને રજૂઆત કરી હતી.
ઉલ્લેખનીય છે કે ભારતીય રેલમાં દરરોજ કેટલાય મુસાફરો અવર-જવર કરતા રહે છે ત્યારે ઘણીવખત રોજ અપડાઉન કરતા પાસ ધારકો ઘણીવાર રિઝર્વેશન કોચમાં ધસી આવી પોતાની મનમાની ચલાવતા હોય છે ત્યારે ગઇકાલે આવો જ એક કિસ્સો મુંબઇ તરફ જતી કચ્છ એક્સપ્રેસમાં બનવા પામી હતી.
આ ઘટનામાં રિઝર્વેશન કોચમાં ઘુસેલા 300 જેટલા પાસ હોલ્ડરોને મુસાફરોએ રિઝર્વેશન કોચમાંથી નીચે ઉતારી દેતા તેઓ 1 કિ.મી સુધી ચાલીને સ્ટેશન પહોંચ્યા હતા અને આ ઘટના અંગે રજૂઆત કરી તેનો વિરોધ કર્યો હતો.