ભુજ પોલિસ મથકે આવોજ એક કિસ્સો સામે આવ્યો છે. જેમાં મોટુ રોકાણ કરાવી એક NRI સાથે 24.10કરોડની ઠગાઇનો મામલો પોલીસ મથકે પહોંચ્યો છે જો કે પોલિસે ગણતરીની કલાકોમાં શૈક્ષણીક સંસ્થાના ચેરમેનની ધરપકડ કરી વધુ તપાસ શરૂ કરી છે. જો કે કોલેજના વર્તમાન સત્તાધીસો આ પ્રકરણથી શૈક્ષણીક કાર્યને કોઇ અસર નહી પહોંચે તેવો બચાવ કરી રહ્યા છે.
વર્ષોથી લંડન સ્થાયી થયેલા મુળ દહિંસરા ગામના વિજય કારા(પટેલે)એ જગદિશ દેવજી હાલાઇને 2008માં શૈક્ષણીક સંસ્થા સ્થાપવા માટે ફંડ આપ્યુ હતુ. જે માટે જગદીશ હાલાઇએ તેને પણ ટ્રસ્ટી બનાવવાનુ કહ્યુ હતુ. પરંતુ 2008થી જગદિશ હાલાઇ અને તેની પત્નીએ ન ટ્રસ્ટી બનાવ્યા કે ન નફો આપી પૈસા પરત કર્યા તો NRI ટ્રસ્ટી ન બને તેવુ કહી તેની સાથે ઠગાઇ કરી જો કે હાલ NRI કચ્છ આવતા સમગ્ર મામલો સામે આવ્યો અને તેને માનકુવા પોલિસ મથકે જગદિશ હાલાઇ અને તેની પત્ની વિરૂધ્ધ ફરીયાદ નોંધવતા પોલિસે પ્રાથમીક તપાસ કરી જગદિશ હાલાઇ કે જે એચ.જે.ડી કોલેજના ચેરમેનની ધરપકડ કરી છે. કચ્છી એન.આર.આઇ પાસેથી કરોડો રૂપીયા એકઠા કરી કેરા નજીક બનેલી એચ.જે.ડી કોલેજના ટ્રસ્ટી દંપતી સામે ફરીયાદ નોંધાયા બાદ પોલિસે જગદીશ હાલાઇની ધરપકડ કરી છે. તો સાથે ટ્રસ્ટમાં ચાલતા ગૌટાળા અંગે પણ ફરીયાદી વિજય કારાએ ફરીયાદ કરી છે જો કે કોલેજના ટ્રસ્ટ સામે ઉઠેલા સવાલો બાદ કોલેજ મેનેજમેન્ટને આ અંગે પુછાતા વિવાદ સંદર્ભે કઇ પણ કહેવાનો ઇન્કાર કર્યો હતો. પરંતુ શૈક્ષણીક કાર્ય પર વિવાદની કોઇ અસર નહી પડે તેમ કહ્યુ હતુ.
24.10 કરોડની ઠગાઇ સાથે NRI વિજય કારાએ એવી પણ ફરીયાદ કરી છે. કે જગદીશ હાલાઇ પોતે એન.આર.આઇ ન હોવા છંતા તેને વિવિધ બેંકમા એન.આર.આઇ ખાતા પણ ખોટા દસ્તાવેજથી ખોલાવ્યા છે. સાથે તેની પત્નીના નામે પણ વિવિધ ખાતા ખોલાવી તેમાં ફંડ જમા કર્યુ છે. તો પોતાના પરિવારના અન્ય સભ્યોને ટ્રસ્ટી અને કોલેજમા વિવિધ હોદ્દા આપી તેના પૈસાનો દુરઉપયોગ કરી તેની સાથે ઠગાઇ કરી છે. જેથી પોલિસ એ પણ બેંક સાથે એ પણ તપાસ કરશે કે અન્ય કોઇ પાસેથી પણ આવુ ફંડ લઇ પૈસા જમા કરાયા છે. કે કેમ તો તેની પત્ની કાન્તાબેન હાલાઇના બેંક એકાઉન્ડ સહિત પુરાવા એકત્ર કરી પોલિસ તેની સામે કાર્યવાહી કરશે