કચ્છ ભાજપમાં ટિકિટ ફાળવણી મુદ્દે ભડકો થયો છે. ગાંધીધામના ધારાસભ્ય રમેશ મહેશ્વરીના સમર્થકોએ વિરોધ કર્યો છે. રમેશ મહેશ્વરીની ટિકિટ કપાતા સમર્થકો દ્વારા વિરોધ કરાયો છે.
રમેશ મહેશ્વરીના સમર્થકો ભાજપ કાર્યાલય પહોંચ્યા હતા. સમર્થકો પ્રદેશ ઉપાધ્યક્ષ પર ગંભીર આક્ષેપો કર્યા હતા. અને જેન્તી ભાનુશાલી પર રૂપિયા લઇ ટિકિટ આપવાનો આરોપ મૂકયો હતો.
ઉલ્લખનીય છે કે ગુજરાત વિધાનસભાની ચુંટણીને લઇ ભાજપે પોતાના 70 ઉમેદવારોની યાદી થોડા દિવસ પહેલા જાહેર કરી હતી ત્યારબાદ ગત મોડી રાત્રે ભાજપે અન્ય 36 જેટલા ઉમેદવારોની યાદી જાહેર કરી હતી.
ઉમેદવારો જાહેર થતા જ કેટલાક સ્થળો પર પાર્ટીના દિગ્ગજનેતાઓ જે પ્રબળ દાવેદાર હતા તે મોટા માથાઓના જ નામ કપાતા સમર્થકોમાં રોશની લાગણી ફેલાઇ હતી જેને પગલે કચ્છમાં પણ ભાજપના વરિષ્ઠ નેતા અને રમેશ મહેશ્વરીનું ર પત્તુ કપાતા સમર્થકોમા રોષ જોવા મળ્યો હતો.