કાંધલ જાડેજા સહિતના લોકોએ પોલીસ સ્ટેશનમાં કર્યો હોબાળો જીલ્લામાં નાકાબંધી

પોરબંદરઃ રાણાવાવ પોલીસ સ્ટેશનમાં હોબાળો મચાવતા NCPના ધારાસભ્ય કાંધલ જાડેજાની અટકાયત કરાઇ છે. કાંધલ જાડેજા સહિત 10થી વધુ લોકોની અટકાયત કરાઇ હતી.

ઉલ્લેખનીય છે કે તમામ લોકો નગરપાલિકાના પૂર્વ પ્રમુખના સ્વબચાવમાં પોલીસ સ્ટેશન ઘુસી ગયા હતા. જયાં રાણાવાવ પોલીસ જાતે ફરિયાદી બનીને કાર્યવાહી હાથ ધરી હતી. અને કાંધલ સહિતના લોકોને ઝડપવા જિલ્લામાં નાકાબંધી કરવામાં આવી હતી.

હાલમાં ધારાસભ્ય બનેલા કાંધલ જાડેજા પર પોલીસ સ્ટેશનમાં હોબાળો કરવા મામલે તેમના પર આરોપ લગાવવામાં આવ્યો છે. રાણાવાવ પોલીસ જાતે ફરિયાદી બનીને તેમના પર ફરિયાદ દાખલ કરી હતી.