બૉલીવુડ ફિલ્મની આખી દુનિયા દીવાની છે. આ વાત એકવાર ફરીથી બર્લિન ફિલ્મ ફેસ્ટિવલ ખાતે સાબિત થઈ છે. ભૂતકાળમાં બર્લિન ઇન્ટરનેશનલ ફિલ્મ ફેસ્ટિવલ ખાતે બૉલીવુડની સુપરહીટ ફિલ્મ 'કુછ કુછ હોતા હૈ' ની ધુન વગાડવામાં આવી હતી.
શાહરૂખ ખાન કાજોલ અને રાની મુખર્જીની ફિલ્મનું સંગીત ફિલ્મ ફેસ્ટીવલમાં ઓર્કેસ્ટ્રા દ્વારા પરફોર્મ કરવામાં આવ્યું હતું છે. સ્ટુટગાર્ટ ચેમ્બર ઓર્કેસ્ટ્રાએ આ ધુન ભજવી હતી. ભૂતકાળમાં કરણ જોહર બર્લિન ઇન્ટરનેશનલ ફિલ્મ ફેસ્ટિવલમાં ભારતનું પ્રતિનિધિત્વ કરવા ગયા હતા. આ સાંભળીને કરણ જોહરે ટ્વિટ કર્યું હતું: મને આ જોઈને ખૂબ ઉત્સાહ અને સન્માન મહેસુસ થાય છે! #KuchKuchHotahai. "
બૉલીવુડના પ્રખ્યાત ફિલ્મ નિર્માતા કરણ જોહરની ફિલ્મ 'કુછ કુછ હોતા હૈ' 1998માં બનાવી હતી. આ ફિલ્મને બેસ્ટ લોકપ્રિય ફિલ્મ માટેનો રાષ્ટ્રીય ફિલ્મ પુરસ્કારથી એનાયત કરવામાં આવી હતી. તેણે 8 ફિલ્મફેર પુરસ્કાર પણ જીત્યા હતા જેમાં ચારે ચાર અભિનય શ્રેણીઓ (શ્રેષ્ઠ અભિનેતા શ્રેષ્ઠ અભિનેત્રી શ્રેષ્ઠ સહાયક અભિનેતા અને શ્રેષ્ઠ સહાયક અભિનેત્રી) માં એવોર્ડ જીત્યો હતો.