જાણો રાજ્યમાં ક્યાં ક્યાં મતદાન મથકો પર EVM ખોટકાયાં...

અમદાવાદઃ ગુજરાત વિધાનસભાની બીજા તબક્કાની ચૂંટણી ટાણે જ રાજ્યભરમાં જૂદી-જૂદી જગ્યાઓ પર EVM મશીનો ખોરવાયાના સમાચાર પ્રાપ્ત થઈ રહ્યા છે. ત્યારે રાજ્યના અનેક સ્થળો પર ઇવીએમ બંધ થવાની અને બ્લૂટૂથ કનેક્ટ થવાની માહિતી મળી હતી.

પાટણઃ ગુજરાતમાં આજે બીજા તબક્કાનુ મતદાન છે. ત્યારે પાટણમાં મતદાન શરૂ થાય તે પહેલા EVM મશીનમાં મતદાનમાં ખામી સર્જાઈ છે. પાટણના આનંદ પ્રકાશ હાઈસ્કુલ બુથ નંબર 158માં EVM મશીનમાં ખામી સર્જાઈ છે.  EVMના મોકપોલ દરમિયાન ખામી સર્જાઈ છે.

મહેસાણાઃ ખેરાલું વિધાનસભાના મલારપુર ગામના બુથમાં પણ EVM મશીનમાં ખામી હોવાને કારણે મતદારો હેરાન પરેશાન થયા છે. ખેરાલુ બેઠકના મલારપુર ગામના બુથમાં ઇવીએમ મશીનમાં ખામી સર્જાઇ હતી. સ્થાનિક મતદારો અને મજુર વર્ગ હોવાથી લોકો રોષે ભરાયેલ જોવા મળ્યા હતા.

વડનગરઃ કન્યા શાળામાં એવીએમ મશીન ખોટવાયું હતું. મતદારો ની લાંબી લાઈન લાગી હતી. મશીન કામ ન કરતા મતદાન શરૃ થવામાં વિલંબ થયો હતો. ખેરાલુમાં પણ કન્યાશાળામાં મશીન ખોટવાયું. અપક્ષ ઉમેદવાર મુકેશ દેસાઈએ રજુઆત કરી હતી.

પંચમહાલઃ કાલોલ વિધાનસભાના બાકરોલના પ્રાથમિક શાળાના મતદાન મથક પર અને દેલોલમાં EVM ખોટકાતા દોઢ કલાક જેટલું મતદાન મોડું શરૂ થયું હતું. મતદારોએ ફરિયાદ હતી કે 3 નંબરનું બટન દબાતું ન હોવાથી પ્રિસાઈડિંગ ઓફિસરને ફરિયાદ કરતા બીજું EVM બદલ્યું પરંતુ એમા પણ ટેક્નિકલ ખામી સર્જાતા મતદાન મોડું થયું હતું. જેને લઇ મતદારો લાઈનોમાં હેરાન થયા હતા.

વડોદરાઃ રાવપુરા બેઠકમાં VVPAT બદલવામાં આવ્યું હતું. રાવપુરા બેઠક પરના બુથ નંબર 217માં VVPATમાં ખામી આવતા 29 મિનિટ મતદાન બંધ રહ્યું. બાદમાં VVPAT બદલીને મતદાન શરૂ કરાયું હતું.  

મહેસાણાઃ મતદાન બુથ પર બ્લુટુથ કનેક્ટ થવાની ફરિયાદ નોંધવામાં આવી છે. મહેસાણામાં 105 નંબરના બુથ પર EVM સાથે બ્લુટુથ કનેક્ટ થવાની ફરિયાદ નોંધવામાં આવી છે. આ ફરિયાદ કોંગ્રેસ દ્વારા ચૂંટણી અધિકારીને કરવામાં આવી છે. 

બનાસકાંઠાઃ ધાનેરામાં ઘણા વિસ્તારોમાં EVM મશીન બ્લૂટૂથથી કનેક્ટ થવાના કોંગ્રેસ દ્વારા આક્ષેપોકરવામાં આવી રહ્યો છે. આ મામલે કોંગ્રેસના ઉમેદવાર નાથા પટેલ દ્વારા ચૂંટણીપંચને રજૂઆત કરવામાં આવી રહી છે.

વધુમાં આ જગ્યાઓ પર પણ ઇવીએમમાં ખામી સર્જાઇ