જીતુ વાઘાણીએ 1 લાખથી વધુ બાળકોને કર્યું પતંગ વિતરણ

ભાવનગર: ઉતરાયણ નજીક આવી રહી છે ત્યારે પશ્ચિમ વિધાનસભાના ધારાસભ્ય અને ભાજપના પ્રદેશ પ્રમુખ જીતુ વાઘાણી દ્વારા આજે પતંગ વિતરણ કરવામાં આવી હતી. તેમના વિસ્તારમાં આવેલી સરકારી શાળામાં અભ્યાસ કરતા બાળકોને પતંગનું વિતરણ કરવામાં આવ્યું હતું.

જીતુ વાઘાણી છેલ્લા 6 વર્ષથી આ પ્રકારે બાળકોને પતંગનું વિતરણ કરી રહ્યા છે. આજે યોજાયેલ આ પતંગ વિતરણ કાર્યક્રમમાં આ ભાજપના સ્થાનિક હોદેદારો પણ હાજર રહ્યાં હતા. ભાવનગરની સરકારી શાળામાં અભ્યાસ કરતા 1 લાખથી વધુ બાળકોને આજે પતંગ તેમજ લાડુ અને ચીકીનું પણ વિતરણ કરવામાં આવ્યું હતું.