પ્યોંગયાંગ: વર્ષ 2017માં અમેરિકાના રાષ્ટ્રપતિ ડોનાલ્ડ ટ્રંપ અને નોર્થ તોરિયાના તાનશાહ કિમ જોંગએ એક બીજાને નષ્ટ કરી દેવાની ઘણી વખત ધમકી આપી છે. કિમે નવા વર્ષની શરૂઆત પર પણ અમેરિકાને મોટી ધમકી આપી છે. નવા વર્ષ પર દેશને સંબોધિત કરતાં કિમ જોગએ કહ્યું કે એ અમેરિકાના કોઇ પણ ભાગને નિશાનો બનાવી શકે છે. એમને કહ્યું 'આખું અમેરિકા અમારા પરમાણુ હથિયારાના દાયરામાં છે અને ન્યૂક્લિયર બટન હંમેશા મારા ટેબલ પર હોય છે. આ ધમકી નહીં સત્ય છે.'
કિમના જણાવ્યા અનુસાર અમેરિકા હવે નોર્થ કોરિયાની વિરુદ્ધ ક્યારેય પણ યુદ્ધ કરી શકશે નહીં. કિમે કહ્યું 'અમે અમેરિકાના દરેક હિસ્સા પર પરમાણુથી હુમલાની ક્ષમતા વિકસિત કરી લીધી છે.'
એ દરમિયાન તાનશાહએ સાઉથ કોરિયાને પણ સંદેશ આપ્યો અને કહ્યું કે વાતચીતનો રસ્તો ખુલેલો છે અને પ્રાયદ્વીપથી સૈન્ય તણાવ ઓછો કરવો જરૂરી છે. સાઉથ કોરિયામાં ફેબ્રુઆરીમાં યોજાનારો વિન્ટર ઓલમ્પિક્સમાં નોર્થ કોરિયાના ખેલાડીઓને મોકલવા પર કિમે કહ્યું 'એ શક્ય છે કે બંને કોરિયાના અધિકારી જલ્દીથી મુલાકાત કરશે અને એની પર વિચાર કરશે.' એમને આશા વ્યક્ત કરી છે કે આ આયોજન સફળ થશે. કિમે કહ્યું કે સાઉથ કોરિયામાં વિન્ટર ઓલમ્પિક્સ કોરિયન દેશની સ્થિતિને પ્રદર્શિત કરવામાં સારો મોકો છે.