વડોદરામાં કેતન શાહની 9 કરોડની બેનામી મિલકત જપ્ત

વડોદરાઃ K-10 ગ્રુપના કેતન શાહની બેનામી મિલકત જપ્ત કરવામાં આવી છે. આઈટી વિભાગે 9 કરોડની બેમાની મિલકત જપ્ત કરી છે. બેનામી પ્રોપર્ટી એક્ટ હેઠળ IT વિભાગે આ કાર્યવાહી કરી છે. ચિંધરોટ અને ઉમેટાની જમીન ટાંચમાં લેવામાં આવી છે. ટાંચમાં લેવાયેલી જમીનમાં કેતન શાહ દ્વારા બેનામી રોકાણ કરવામાં આવ્યું હતું. 

થોડા સમય પહેલા આઈ ટી વિભાગે સપાટો બોલાવ્યો હતો. વડોદરામાં K-10 ગ્રૂપ પર આઈટી વિભાગે પાડેલા દરોડામાં 6 કરોડની બેનામી સંપત્તિ મળી આવી હતી. અને રૂપિયા 14 લાખ રોકડા મળી આવ્યા હતા. આઈટી વિભાગે 21 જગ્યાએ કરેલી તપાસમાં 11 બેંક લોકર્સ પણ મળી આવ્યા હતા.