નવી દિલ્હીઃ મુખ્યમંત્રી અરવિંદ કેજરીવાલની ચોરી થયેલી કાર મળી આવી છે. કેજરીવાલની આ કાર દિલ્લીના સચિવાલયની નજીકથી ચોરી થઇ ગઇ હતી. જો કે આ કાર ગાજીયાબાદના મોહનનગરમાંથી મળી આવી છે. પોલીસે કાર પોતાના કબ્જામાં લઇ લીધી છે.
કેજરીવાલની કાર હકીકતમાં AAPને ગિફ્ટમાં મળી હતી. તેમના એક ચાહકે AAPને કાર ગિફ્ટ કરી હતી. કુંદન શર્માએ આપ પાર્ટીને આ કાર ડોનેટ કરી હતી. આંદોલન બાદ આમ આદમી પાર્ટી અસ્તિત્વમાં આવી. પાર્ટી નવી હોવાથી લોકો પાસે મદદ માંગવામાં આવી હતી. તે સમયે કુંદને પોતાની બ્લૂ કાર ગિફ્ટ કરી. આ કાર કુંદનના પત્ની શ્રદ્ધા શર્માના નામે છે. 3 જાન્યુઆરી 2013એ દ્વારકાથી AAPએ કાર પીકઅપ કરી. AAPએ લેટર-હેડ પર કાર સ્વીકારનું પ્રમાણપત્ર આપ્યું.
પત્રમાં લખાયું કે "આ કાર પર માલિકી હક AAPનો રહેશે". કાર મળ્યા બાદ કેજરીવાલ પર્સલન યુઝ કરવા લાગ્યા. કુંદનને એ ખ્યાલ નહોતો કે કાર માત્ર કેજરીવાલ વાપરશે. કેજરીવાલ આ જ કારથી CM પદના શપથ લેવા પહોંચ્યા હતા. કુંદન શર્માએ કાર પોતાની હોવાનો કર્યો હતો દાવો. માત્ર કેજરીવાલ કાર વાપરતા હોવાથી કર્યો હતો દાવો.