કપિલના ફેન્સ માટે ખુશખબર ટીવી પર ફરી શરૂ થશે 'ધ કપિલ શર્મા શો'

વર્ષ 2017માં લાફ્ટર કિંગ કપિલ શર્મા માટે ખુબ જ ખરાબ રહ્યું. કારણ કે આ વર્ષે તેના કો સ્ટાર સુનીલ ગ્રોવર સાથે તેની લડાઈ થઈ હતી. જેના કારણે સુનીલે કપિલના શો ને છોડવાનો નિર્ણય કર્યો અને ધીરે ધીરે શોની TRP ઘટવા લાગી અને છેવટે શો બંધ કરવો પડ્યો. જ્યારે બીજી તરફ કપિલની ફિલ્મ 'ફિરંગી' સિલ્વર સ્ક્રીન પર કઈ ખાસ કમાલ ન કરી શકી. બંને તરફ ઝટકો મળ્યાં બાદ હવે સારા સમાચાર આવી રહ્યા છે કે કપિલ ફરી ટીવી પર કમબેક કરી રહ્યો છે. મીડિયા રિપોર્ટ્સ અનુસાર આગામી વર્ષમાં 'ધ કપિલ શર્મા શો'ની સીઝન 2 શરૂ થવાની છે.

એક વેબસાઇટ અનુસાર   કપિલ શર્મા શો 2018માં સ્મોલ સ્ક્રીન પર પરત આવી રહ્યો છે. 'ધ કપિલ શર્મા શો' સીઝન-2નો પ્રોમો જલદી કપિલ શૂટ કરવા જઈ રહ્યો છે. માનવામાં આવી રહ્યું છે કે જાન્યુઆરીના પહેલા સપ્તાહમાં શૂટનું શિડ્યુલ ગોઠવવામાં આવ્યું છે. હાલ શોના કો-સ્ટાર્સના નામોનો ખુલાસો થયો નથી. જોકે હજુ સુધી અત્યાર સુધી શોમાં કો-સ્ટાર્સના નામને અંગેનો કોઇ ખુલાસો કરવામાં આવ્યો નથી પરંતુ કપિલ શર્માના ફેન્સ માટે ખુશખબર છે કે તેઓ ફરી તેની કૉમેડી જોઇ શકશે.

તમને જણાવી દઇએ કે જૂના શોમાં કપિલ શર્માએ સુપરસ્ટાર શાહરૂખ ખાન અજય દેવગન અને અનિલ કપૂરને રાહ તો જોવડાવી હતી અને સાથે તેમને શૂટિંગ કર્યા વગર પરત જવું પડ્યું હતું. એટલું જ નહીં ડિરેક્ટર અને કોરિયોગ્રાફર ફરાહ ખાન ટ્વિટર પર કપિલનું નામ લીધા વગર તેની સામે નારાજગી વ્યક્ત કરી હતી. તેમણે કહ્યુ કે WhatsApp પર મેસેજ કરીને તેણે ફિરંગીના સ્ક્રીનિંગ માટે બોલાવી હતી.