સરકાર દ્વારા સ્ત્રી સશક્તિકરણના અનેક કાર્યક્રમ યોજવામાં આવી રહ્યા છે. ત્યારે જૂનાગઢ જિલ્લા કારડીયા રાજપૂત સમાજ દ્વારા સ્ત્રી સશકિતરણને પ્રોત્સાહન આપતા સન્માન સમારોહ યોજાયો હતો. કારડીયા રાજપૂત સમાજનો 31મો સરસ્વતી સન્માન સમારોહ યોજાયો હતો. સન્માન સમારોહમાં નારી સશકિતરણને વધુ પ્રોત્સાહન આપવામાં આવ્યું હતું. જયાં મહિલાઓ અને વિધાર્થીઓનું સન્માન કરાયું હતું.
આ સન્માન સમારોહમાં કારડીયા રાજપૂત સમાજના મોટી સંખ્યામાં લોકો એકઠા થયા હતા.કારડીયા રાજપૂત સમાજના પ્રમુખ યોગી પઢીયાર આ કાર્યક્રમમાં ખાસ ઉપસ્થિત રહ્યા હતા. પ્રમુખ દ્વારા મહિલાઓ અને વિધાર્થીઓનું સન્માન કરાયું હતું. ભારતની વોલીબોલ ટીમની મહિલા કેપ્ટન ચેતનાવાળા અને GPSC સહિતની પરીક્ષાઓમાં પાસ થયેલી મહિલા PSI અને શિક્ષણ જગતમાં નામ મેળવનાર મહિલાઓનું પણ સન્માન કરાયું હતું. સાથે પ્રથમ નંબરે ઉતીર્ણ થયેલા 187 વિધાર્થીઓનું સન્માન કરાયું હતું.