જૂનાગઢ: મનપામાં હોબાળો પૂર્વ મેયરે બિન સંસદીય શબ્દો કહેતા થઈ બબાલ

જૂનાગઢ મનપાની જનરલ બોર્ડમાં હોબાળો જોવા મળ્યો. મહાનગર પાલિકાની સામાન્ય સભામાં પૂર્વ મેયર લાખાભાઇ પરમાર એ બિન સંસદીય શબ્દો કહેતા થઇ બબાલ. ટ્રસ્ટી પદ હેઠળની એક કોલેજમાં અનુસૂચિત જાતિના વિદ્યાર્થીઓની શિષ્યવ્રીના મામલે દલિત યુવાનો દ્વારા બોર્ડમાં દેખાવો શરુ કરાયા અને મામલો ઉગ્ર બન્યો હતો. જેને લઇ બિભત્સ વર્તન થતા મહિલા કોર્પોરેટર બહાર નીકળી ગયા.

તો બીજી તરફ  ભાજપની મહિલા નગરસેવકોએ બોર્ડનો બહિષ્કાર કર્યો હતો. સામાન્ય સભામાં મેયર વિરુદ્ધ દેખાવો શરુ થતા મેયર એ આ મામલે પોલીસ બોલાવવાનો આદેશ કર્યો હતો પરંતુ તે દરમ્યાન પૂર્વ મેયર લાખાભાઇ પરમાર એ ઉગ્ર ભાષામાં વાત કરી અપશબ્દો બોલવાનું શરુ કરતા બબાલ મચી હતી. આ ઉગ્ર બબાલ બાદ બને પક્ષ દ્વારા સામસામી ફરિયાદ નોંધાવવાની તૈયારી શરુ કરી છે. ત્યારે આજની આ સામાન્ય સભામાં થયેલી બબાલના ઘેરા પ્રત્યાઘાતો પડે તેવી પણ શકયતા છે.