ગાંધીનગર: ગાંધીનગર ખાતે 10 તારીખથી ભાજપ પ્રદેશ પાર્લામેન્ટરી બોર્ડની બેઠક મળવાની શરૂ થઇ ગઇ છે. જે 12 નવેમ્બર સુધી ચાલનાર છે. ત્યારે આજરોજ ગુજરાત ભાજપના પ્રદેશ અધ્યક્ષ જીતુ વાઘાણીએ ગાંધીનગરમાં પાર્લામેન્ટરી બેઠકને લઇને કંઇક આવું નિવેદન આપ્યું છે.
રાજયની ચૂંટણી સમિતિની બેઠક ચાલી રહી છે. જિલ્લા સંકલન સમિતિના રિપોર્ટ અંગે ચર્ચાઓ થઇ રહી છે. આજે પણ ઉમેદવારોની પસંદગી બાબતે ચર્ચા થશે. ચર્ચા બાદ કેદ્રીય પાર્લામેન્ટરી બોર્ડને ભલામણ કરાશે અને કેદ્રીય બોર્ડ નામો નક્કી કરી જાહેર કરશે. નો રિપીટની થિયરી બાબતે માત્ર વાતો છે તેમાં કોઇ તથ્ય નથી. તમામ પરિબળો બાબતે ચર્ચા કરવામાં આવી રહી છે. આ બેઠકમાં મુખ્યમંત્રી વિજય રૂપાણી ડેપ્યુટી સીએમ નીતિન પટેલ પૂર્વ સીએમ આનંદીબેન જીતુવાઘાણી ભુપેદ્ર યાદવ સહિતના સભ્યો હાજર રહ્યા છે.
ઉલ્લેખનીય છે કે ગુજરાત વિધાનસભાની ચુંટણી આંગણે આવીને ઉભી છે ત્યારે દરેક પક્ષ દ્વારા મતદારને વિવિધરીતે આકર્ષવાનો પ્રયાસ કર્યો છે ત્યારે આગામી સમયમા ક્યા વિસ્તારના મજબુત ઉમેદવારને ટિકીટ આપવી તે અંગે ચર્ચા કરવા માંટે થઇને ભાજપ દ્વારા પણ એક ખાસ બેઠકનું આયાજન કરવાંમા આવ્યુ છે.