જો તમે પણ જિયોફોન (JIOPHONE) નો ઓર્ડર કર્યો છે અથવા તો તમારી પાસે પહેલાથી જિયો ફોન છે તો આ સમાચાર તમારા માટે છે. જિયોની તરફથી આ નવી સુવિધા પછી જિયો ફોન યૂઝર સોશ્યલ મીડિયા એપ ફેસબુકનો ઉપયોગ કરી શકશે. જિયોફોન રિલાયન્સ રિટેલનો સ્માર્ટ ફિચર ફોન છે. કંપની તરફથી કહેવામાં આવ્યુ છે કે તેના યૂઝર્સ બુધવારથી જિયો એપસ્ટોરથી ફેસબુક ડાઉનલોડ કરી શકશે. ફેસબુક એપનો નવું વર્ઝન વિશેષ રૂપથી જિયો કાઇ ઑપરેટિંગ સિસ્ટમ (KaiOS) માટે બનાવવામાં આવ્યુ છે. આ એપમાં પુશ-નોટિફિકેશન વીડિયો અને એક્સટરનલ કન્ટેન્ટ લિંકને સપોર્ટ કરતું ફિચર પણ છે.
કંપની તરફથી કહેવામાં આવ્યુ છે કે આ પહેલથી લોકો ફેસબુકનો ઉપયોગ કરી શકશો જે ફિચર ફોનનો ઉપયોગ કરી રહ્યા છે. મુકેશ અંબાણીના દિકરા આકાશ અંબાણીએ કહ્યુ કે ''ફેસબુક તો શરૂઆત છે. જિયોફોનમાં દુનિાયાના સૌથી સારી એપ્સ આવશે જે જિયોફોનના યૂઝર્સને પ્રોમિસ છે.''
ફેસબુક મોબાઈલ પાર્ટનરશિપ્સના વાઈસ પ્રેસિડેન્ટ ફ્રાન્સિસ્કો વેરેલાએ કહ્યું અમે Jio સાથે પાર્ટનરશીપ કરીને ઉત્સાહિત છીએ અને લાખો લોકોને જિયોફોન દ્વારા ફેસબુકો એક્સેસ આપવામાં આવશે. જિયો જેવા પાર્ટનર સાથે કામ કરીને અમે નક્કી કરવા ઈચ્છીએ છીએ કે બધાને એકબીજા સાથે કનેક્ટેડ રહેવાની તક મળવી જોઈએ.
એક રિપોર્ટ મુજબ જિયો વોટ્સએપ સાથે પણ વાતચીત કરી રહ્યું છે જેથી જિયો ફોન માટે એક ડેટિકેટેડ વોટ્સએપ એપ તૈયાર કરી શકાય. જોકે હવે ફેસબુક જિયો ફોન માટે આવી ગયું છે તેથી બની શકે કે જિયો ફોનમાં તમને વોટ્સએપનો સપોર્ટ પણ જલ્દી જ મળી જાય.