Jioને ટક્કર આપવા 299 રૂપિયામાં અનલિમિટેડ કોલિંગ ડેટા આપશે આ કંપની

રિલાયન્સ જિયોને ટક્કર આપવા માટે બીજી ટેલિકોમ કંપનીઓ સતત નવા પ્લાન લોન્ચ કરી રહી છે. પરંતુ આ સમયે મુકેશ અંબાણીના ભાઈ અનિલ અંબાણીની કંપની રિલાયન્સ કોમ્યુનિકેશન્સે 299 રૂપિયાનો પ્લાન લોન્ચ કર્યો છે. કંપનીના અનુસાર આ અત્યાર સુધીનો સૌથી સસ્તો પ્લાન છે.

કંપનીએ ટ્વીટ કરીને જણાવ્યુ કે આ પ્લાનમાં અનલિમિટેડ કોલ ડેટા અને ટેકસ્ટ મેસેજ મળશે. હાલમાં જ એરટેલ અને વોડાફોન દ્વારા 399 રૂપિયા સુધીનું પ્લાન લોન્ચ કર્યું હતું જેમાં ફ્રિ કોલિંગ અને ડેટા મળે છે. જોકે આ પ્લાનની તમામ માહિતી હાલ ઉપલબ્ધ નથી. જેમ કે તેની વેલિડિટી શું છે ડેટા લિમિટે શું છે અથવા કોલિંગની શરતો શું છે. આરકોમના ગ્રાહક આ નવી ઓફરની માહિતી Eshop.com પરથી પણ મેળવી શકે છે.  

ઉલ્લેખનીય છે કે રિલાયન્સ કોમ્યુનિકેશન 3200 રૂપિયામાં Wi-Pod ડોંગલ લોન્ચ કર્યુ છે. જેની વેલિડિટી એક વર્ષની છે તેની સાથે 4G સીમ પણ મળશે. જેમા પ્રતિ દિવસ 1 GB ડેટા મળશે પરંતુ તેના માટે દર મહિના રૂપિયા 500 આપવવા પડશે.

આ ઉપરાંત રિલાયન્સ મોબાઇલનું એક બીજુ પ્લાન પણ છે જેના માટે કંપનીએ ટ્વીટ કરીને જણાવ્યુ કે આ પ્લાન હેઠળ 193 રૂપિયામાં દરરોજ 1 જીબી ડેટા અને 30 મિનિટ કોલિંગ મળશે. જેની વેલિડિટી 28 દિવસની રહશે. કંપનીએ આવો જ પ્લાન સૌથી પહેલા જાન્યુઆરીમાં લોન્ચ કર્યો હતો. તેના પછી કંપનીએ 16 અને 21 રૂપિયાના પ્લાન લોન્ચ કર્યો.

હવે વોડાફોને SuperHour પ્લાનમાં 7 રૂપિયાનું પેક રજૂ કર્યો છે. 21 રૂપિયામાં SuperHour પ્લાનમાં 1 કલાક માટે વોડાફોનથી વોડાફોન લોકલ અનલિમિટેડ કોલિગ મળે છે. જ્યારે 16 રૂપિયાના SuperHour પ્લાનમાં 1 કલાક માટે અનલિમિડેટ 3G/4G મળે છે. 7 રૂપિયાના પ્લાન હેઠળ કંપનીએ કસ્ટમર્સને 1 કલાક માટે વોડાફોનથી વોડાફોન અનલિમિટેડ કોલિગ આપશે. કંપની અનુસાર 1 કલાકની વેલિડિટી પ્લાનના એક્ટિવેશનથી જ શરૂ થઇ જશે. 3G/4G સિવાય 2G ડેટા છે જેને એક્ટિવેટ કરવા માટે 5 રૂપિયા આપવા પડશે.