રિલાયન્સ જીયોએ પોતાના 4જી હોટસ્પોટ ડોંગલ જીયોફાઈની કિંમત પર ધમાકેદાર ઓફરની જાહેરાત કરી છે. તહેવારની સિઝનને ધ્યાનમાં રાખી રિલાયન્સ જીયો દ્વારા આ ઓફર મુકવામાં આવી છે જે ટુંક સમય માટે જ છે. આ ઓફરનો લાભ 20 સપ્ટેમ્બરથી 30 સપ્ટેમ્બર સુધી જ લઈ શકશો.
જીયોએ 4જી હોટસ્પોટ ડોંગલની કિંમત 999 રૂપિયા કરી દીધી છે જેની કિંમત અત્યાર સુધી રૂ. 1999 હતી. આ ઓફર તે ગ્રાહકો માટે હશે જે 20 સપ્ટેમ્બરથી 30 સપ્ટેમ્બર 2017 વચ્ચે Jiofi ડોંગલ ખરીદશે. 999 રૂપિયાના ઓફરમાં જીયોફાઈ ખરીદી પર દુકાનદારને 4 રિચાર્જની સાઈકલ સુધી 28 દિવસ માટે અનલિમિટેડ કોલ્સ 2જીબી 4જી ડેટા પ્રતિ દિવસ 100 એસએમએસ પ્રતિ દિવસ અથવા 6 રિચાર્જ સાઈકલ સુધી 28 દિવસ માટે અનલિમિટેડ કોલ્સ 1જીબી 4જી ડેટા પ્રતિ દિવસ 100 એસએમએસ પ્રતિદિવસ મળશે. મહત્વની વાત એ છે કે આ નવી ઓફર સાથે તમે જીયોફાઈને ફ્લિપકાર્ટ પર અને Jio.com પર જઈ ખરીદી શકો છો. અત્યારે ફ્લિપકાર્ટ પર બિલ બિલિયન સેલ ચાલુ છે.
જીયો ફેસ્ટિવલ ઓફર ફક્ત JioFi M2S મોડલ પર જ ઉપલબ્ધ છે જે 2300mAh બેટરી સાથે આવે છે. આ જીયોફાઈ સાથે જીયો સિમ મળશે જેને આધારકાર્ડ સાથે તમારે એક્ટિવ કરવું પડશે.
ગ્રાહકો માટે આ ડીલ ફાયદાકારક સાબિત થઈ શકે છે. જે ગ્રાહક આ ખરીદી કરશે તેને 1000 રૂપિયા એટલે કે 50 ટકાની છૂટ મળશે. આ પોર્ટેબલ વાઈ-ફાઈ રાઉટરની મદદથી તમે કોઈ પણ જગ્યાએ ઈન્ટરનેટ કનેક્ટ કરી શકો છો.
જીયોફાઈ ડિવાઈસ તમામ રિલાયન્સ સ્ટોર જીયો આઉટલેટ્સ જીયો પાર્ટનર રિટેલર્સ અને www.jio.com પર ઓનલાઈન મળી રહેશે.
હાલમાં જ ઓપનસિગ્નલના રિપોર્ટમાં ટેલિકોમ કંપનીઓની ઈન્ટરનેટ સ્પીડમાં જીયોની સ્પિડના ખુબ જ વખાણ કરવામાં આવ્યા હતા. જીયોએ પોતાના નેટવર્ક પર ઈન્ટરનેટ સ્પીડમાં ઝડપથી વધારો કર્યો છે.
જીયો ડિસેમ્બર 2016થી અત્યાર સુધીમાં સળંગ ઈન્ટરનેટ સ્પીડમાં ઝડપથી આગળ વધી રહ્યું છે. ડિસેમ્બર અને ફેબ્રુઆરી 2017માં જીયોની ઈન્ટરનેટ સ્પીડ 4Mbps રહી હતી જે જુલાઈ સુધીમાં સ્પીડ 6Mbps સુધી પહોંચી ગઈ હતી.
ખાસ વાત એ છે કે એપ્રિલ મહિનામાં ફ્રી સેવા ખતમ થયા બાદ જીયો નેટવર્ક પર ઈન્ટરનેટ સ્પીડમાં વધારો થયો છે. અને આ સ્પીડ ઝડપથી હાલમાં પણ વધી રહી છે. આ સાથે ટ્રાઈના માસિક સ્પીડ ટેસ્ટમાં જીયો સળંગ નંબર વન રહી અન્ય તમામ ટેલિકોમ કંપનીઓ માટે મુશ્કેલી ઉભી કરી રહ્યું છે.
જીયોની આ ફેસ્ટિવલ ઓફર 2જી-3જી સ્માર્ટફોન અને લેપટોપ ઉપયોગકર્તાઓમાં લોકપ્રિય થશે તેવી આશા સેવાઈ રહી છે.