અમદાવાદ: દલિત સમાજ દ્વારા વિરોધ કરવામાં આવી રહ્યો છે. ત્યારે હવે પોલીસે ધારાસભ્ય જીગ્નેશ મેવાણીની અટકાયત કરવામાં આવી છે.
અમદાવાદના સારંગપુર વિસ્તારમાં દલિતો દ્વારા વિરોધ કરવાની તૈયારી કરવામાં આવી રહી હતી અને ધારાસભ્ય જીગ્નેશ મેવાણી આ વિરોધમાં પહોંચવાના હતા. ત્યારે જીગ્નેશ મેવાણી સારંગપુર પહોંચે તે પહેલા પોલીસ દ્વારા જીગ્નેશ મેવાણીની કાર રોકીને અટકાયત કરવામાં આવી છે. પોલીસે સરસપુર વિસ્તારમાંથી જીગ્નેશ મેવાણીની અટકાયત કરી છે.
ઉલ્લેખનીય છે કે આજે જીગ્નેશ મેવાણી દ્વારા અમદાવાદ શહેર બંધનું એલાન કરવામાં આવ્યું હતું. સરકારે લેખીતમાં ખાતરી ના આપતાં બંધનું એલાન કરવામાં આવ્યું હતું. બંધના એલાનના પગલે ચુસ્ત પોલીસ બંદોબસ્ત ગોઠવવામાં આવ્યો હતો. શહેરનો સારંગપુર વિસ્તાર પોલીસ છાવણીમાં ફેરવાઇ ગયો હતો.
તો આ તરફ અમદાવાદના જૂના વાડજ વિસ્તારમાં પણ વિરોધ જોવા મળ્યો હતો. જૂના વાડજના રામપીરના ટેકરા પાસે દલિત સમાજના લોકો દ્વારા વિરોધ કરવામાં આવ્યો હતો. આ ઘટના બાદ પોલીસ દ્વારા કાર્યવાહી શરૂ કરવામાં આવી છે. પોલીસ દ્વારા 25થી વધુ દલિત સમાજના લોકોની અટકાયત કરવામાં આવી હતી.