શિક્ષકોના નિયત વેતન મામલે જિગ્નેશ મેવાણીએ સરકાર સામે ઉચ્ચારી ચિમકી

ગુજરાતના માધ્યમિક અને ઉચ્ચતર માધ્યમિકના એવા પાંચેક હજાર શિક્ષકોને નિયત ૫ગાર વધારા સાથેનું વેતન મળે તે માટે જિગ્નેશ મેવાણીએ હાકલ કરી છે.મેવાણીએ જણાવ્યું હતું કે આ બાબતે સરકાર દ્વારા કોઈ પણ પ્રકારનો ઉકેલ ના આવે તો શિક્ષકોના હિતમાં મેવાણી ૧૮ તારીખે ગાંધીનગરમાં શિક્ષકોનાં આંદોલનમાં જોડાવવાની પણ તૈયારી દર્શાવી છે.

ધારાસભ્ય જિગ્નેશ મેવાણીએ જણાવ્યું હતુ કે ૧૮.૧.૧૭ના ઠરાવ મુજબ નક્કી કરાયેલો ૫ગાર વધારો આજ દિવસ સુધી શિક્ષક સહાયકો મળ્યો નથી.19મીથી શરૂ થઇ રહેલ વિધાનસભાના ગૃહમાં માધ્યમિક અને ઉચ્ચતર માધ્યમિક શાળાઓના શિક્ષક સહાયકોના પગાર મુદે ઉઠાવવામાં આવશે.અને 5 હજાર શિક્ષકોને કરવામાં આવતા અન્યાય સામે લડત આપવામાં આવશે.

આપને જણાવી દઇએ કે દલિત ધારાસભ્ય જિગ્નેશ મેવાણીએ આ આગાઉ પણ દલિતોને જમીન આપવા માટે સરકાર સામે બાથ ભરી હતી અને કચ્છ ખાતે દેખાવો પણ યોજ્યા હતા ત્યારે વધુ એકવાર મેવાણીએ ગુજરાતના શિક્ષકોના પ્રશ્ન બાબતે સરકાર સામે ચિમકી ઉચ્ચારી હતી.