મુંબઇની જેમિમા રોડરિગ્ઝે અંડર-19ની એકદિવસીય મહિલા ક્રિકેટ ટૂર્નામેન્ટમાં 163 બૉલમાં 202 રનની શાનદાર ઇનિંગ રમી. 16 વર્ષની બેટ્સમેન જેમિમાએ ઔરંગાબાદમાં સૌરાષ્ટ્ર વિરુદ્ઘ 50 ઑવરની ઘરેલૂ મેચમાં મુંબઇની તરફથી રમી હતી. 13 વર્ષની ઉંમરમાં અંડર 19 ટીમમાં પહેલી વખત જગ્યા બનાવનારી જેમિમા રોડરિગ્ઝે આ ટૂર્નામેન્ટમાં અત્યાર સુધી 2 સેન્ચુરી કરી દીધી છે.
આ બેટ્સમેનના ફોર્મની આઇડિયા એ વાતથી પણ લગાવી શકાય છે કે અંડર 19 સુપર લીગ મેચમાં તેની એવરેજ 300થી ઉપર છે. જેમિમાએ નાની ઉમંરથી રમવાનું શરૂ કરી દીધુ હતુ અને બૉલર તરીકે શરૂઆત કર્યા પછી હાલમાં ટૉપની બેટ્સમેન બની ગઇ છે. તે ઘણી વખત ઇનિંગની શરૂઆત કરે છે અથવા તો ત્રીજા નંબર પર બેટિંગ કરવા માટે આવે છે.
મુંબઇ અંડર 19ના કોચ જયેજ ડાડરકરે જણાવ્યું કે ''તે ગયા વર્ષે કેપ્ટન પણ હતી. તેણે ટીમને નેશનલ અંડર-19 મહિલા ક્રિકેટનું ટાઈટલ અપાવ્યું હતું. મેં તેને સમજાવી કે જો તું 178 રન બનાવી શકતી હોય તો સરળતાથી 200 પણ બનાવી શકીશ.''
જેમિમા જણાવે છે કે ''અગાઉ માત્ર સ્મૃતિ મંધાના જ આ સ્કોર ચૂકી છે. જ્યારે મેં ગુજરાત વિરુદ્ધ 178 રનની ઈનિંગ રમી ત્યારે મને વિશ્વાસ થયો કે હું સરળતાથી 200 રન પણ ફટકારી શકું છું. હું પ્રયત્ન કરી રહી હતી કે હું કોઈ જ ભૂલ ન કરું. અંડર 19 ક્રિકેટમાં સ્મૃતિ મંધાનાએ ગુજરાત વિરુદ્ધ 2013માં 224 રન નોટઆઉટ ફટકાર્યા હતા. તેમની બાદ હવે હું સેકન્ડ હાઈએસ્ટ સ્કોર ધરાવું છું.''