અમદાવાદી સ્ટાર ક્રિકેટર અને ભારતીય ક્રિકેટ ટીમનો ઝડપી બોલર જસપ્રીત બુમરાહ આઇપીએલમાં આજે કરોડો રૂપિયા કમાઇ રહ્યો છે. જેનાં દાદા સંતોખસિંહ બુમરાહ ઉત્તરાખંડમાં મુશ્કેલ જીવન જીવે છે. જેઓ વૃદ્ધાવસ્થામાં પણ ટેમ્પો ચલાવીને જીવન ગુજારે છે. સંતોખસિંહ ગરીબીમાં જીવે છે પરંતુ તે તેમનાં પૌત્ર પાસેથી કોઈ નાણાકીય મદદ નથી માંગતા. 84 વર્ષનાં સંતોખસિંહ ઉત્તરાખંડના ઉધમસિંહ નગર જિલ્લાના કિચ્છામાં આવાસ વિકાસ કોલોનીમાં ભાડે રહે છે.
સંતોખસિંહે કહ્યું કે મારા પૌત્રને મારા આશીર્વાદ છે કે તે ક્રિકેટમાં ખૂબ પ્રગતિ કરે અને દેશનું નામ રોશન કરે. તેમને પોતાની ઇચ્છા દર્શાવતા કહ્યું કે મારી આખરી એવી ઇચ્છા પણ છે કે હું એક વખત મારા પૌત્રને ભેટી શકું.
સંતોખસિંહે સ્થાનિક એસડીએમ નરેશ દુર્ગાપાલ પાસે આર્થિક મદદ માંગી હતી જેથી એસડીએમએ 84 વર્ષીય સંતોષ સિંઘને વહીવટી સહાયની ખાતરી પણ આપી. સંતોખસિંહ એક સમયે ત્રણ ફેકટરીના માલિક હતા હવે આર્થિક સ્થિતિ તેમની કથળી ગઇ હતી.
સંતોખસિંહ મૂળ અમદાવાદના રહેવાસી છે અહીં તેમના ફેબ્રિકેશનના ત્રણ કારખાના હતા. 2001માં પોલિયો થતાં તેમના દીકરા અને જસપ્રીતના પિતા જસવીરસિંહનું નિધન થયું જેથી જુવાન દીકરાનું મોત થતાં તેઓ ભાંગી પડ્યા હતા. આર્થિક પરિસ્થિતિ વિકટ થવાને લીધે બેંકને લોન ચૂકવવા માટે તેમને ફેક્ટરીઓ પણ વેચવી પડી.
સંતોખસિંહે વિકટ પરિસ્થિતિ ઊભી થવાથી 2006ની સાલમાં ઉધમસિંહ નગર આવી ગયા અને ચાર ટેમ્પો ખરીદ્યા. તેઓ કિચ્છાથી રૂદ્રુપુરની વચ્ચે ટેમ્પો ચલાવા લાગ્યા. પરંતુ અહીં પણ તેમનાં નસીબે સાથ ના આપ્યો અને ત્રણેય ટેમ્પો વેચવા પડ્યા. જસપ્રીતના કાકા વિકલાંગ છે અને દાદીનું 2010માં નિધન થઇ ચૂકયું છે. અમદાવાદમાં રહેતી જસપ્રીતની ફોઇએ જ સંતોખસિંહ અને તેમના ભાઇનો લાંબા સમય સુધી ખર્ચ ઉઠાવ્યો.