જૂનાગઢઃ પૂર્વમંત્રી જશા બારડ સામે પોલીસ ફરીયાદ બાબતે તેમણે ખુલાસો કર્યો હતો. મે કોઇ નીયમ ભંગ નથી કર્યો અને કાંઇ ખોટૂ પણ નથી કર્યૂ. આગામી 18 તારીખે આ બેકના ચેરમેન વાઇસ ચેરમેનની ચૂટણીમાં મારી છાપ ખરડવાનો આ પ્રયાસ હોવાનું મીડિયા સમક્ષ જણાવ્યું હતું.
સમગ્ર સૌરાષ્ટ્ર અને ગુજરાતના સહકારી ક્ષેત્રે ખળભળાટ જગાવનાર ભાજપ શાસિત જુનાગઢ ડિસ્ટ્રીક બેન્કમાં કથિત ગેરરીતિ મુદ્દે ફરિયાદ નોંધાવવામાં આવી હતી. બેન્કના મેનેજિંગ ડિરેક્ટર ડોલર કોટેચા દ્વારા બેન્ક ચેરમેન અને રાજ્યના પૂર્વ મંત્રી જશા બારડ અને તેના પુત્ર તેમજ બેન્કના મેનેજર વિરુદ્ધ પોલીસમાં ફરિયાદ આપી છે.
શુ છે મામલો
સુત્રાપાડા માર્કેટિંગ યાર્ડ નિર્માણ મામલે પ્રાસલી ખાતે 24 વીઘા એટલે કે 4 એકર જમીન સરકાર પાસેથી લીધી છે. જો કે તેમાં નોમ્સ હોઈ છે કે સરકારી જમીન ગીરવે મુકવી હોઈ કે લોન જોતી હોઈ તો સરકારની મંજૂરી લેવી પડે. પરંતુ જશા ભાઈના પુત્ર દિલીપ બારડ યાર્ડના પ્રમુખ છે.
તેઓએ સરકાર પાસે જમીન ગીરવે મુકવાની રજુઆત કરી હતી. પરંતુ સરકાર મંજૂરી આપે તે પહેલા જ જૂનાગઢ સહકારી બેન્ક પાસેથી 12.55 કરોડની લોન લીધી તેવા આરોપ લાગ્યો છે. આ ચકચારી મુદ્દે આજે બેન્કના ચેરમેન જશા બારડે મીડિયા સમક્ષ ખુલાસો કરતા જણાવ્યું હતું કે અમે કોઇ નીયમ ભંગ નથી કર્યો. કાંઇ ખોટૂ પણ નથી કર્યુ. ફરિયાદ તદન પાયાવિહોની છે.
જશા બારડે ઘટસ્ફોટ કરતા જણાવ્યું હતું કે આગામી 18 તારીખે આ બેકના ચેરમેન વાઇસ ચેરમેનની ચૂટણીમાં મારી છાપ ખરડવાનો આ પ્રયાસ થયેલ છે. આ બાબતે પક્ષના મોવડી મંડળ સમક્ષ રજૂઆત કરી છે અને ટુંક સમયમાં દૂધનું દૂધ અને પાણીનું પાણી થઈ જશે.