જામનગરઃ સસોઈ અને પન્ના ડેમ ઓવરફ્લૉ કિનારાના વિસ્તારો એલર્ટ પર

જામનગર: જામનગરની જીવાદોરી સમો સસોઈ ડેમ ઓવરફ્લો થયો છે. ઉપરવાસમાં થયેલા ભારે વરસાદના કારણે સસોઈ ડેમમાં નવા નીરની આવક થતાં સસોઈ ડેમ અડધા ફૂટથી ઓવરફ્લૉ થયો છે. સસોઈ ડેમમાંથી નદીમાં પાણી છોડવામાં આવ્યું છે. જેના કારણે નીચાણવાળા વિસ્તારોને એલર્ટ રહેવાની સૂચના આપવામાં આવી છે. જરૂર પડશે તો NDRFની ટીમની મદદ લેવામાં આવશે. 

જામનગરમાં થયેલા ભારે વરસાદના કારણે જળબંબાકાર જેવી સ્થિતિ સર્જાઈ છે. જેના કારણે જામનગરનો પન્ના ડેમ પણ ઓવરફ્લૉ થઈ ગયો છે. વરસાદના કારણે પન્ના ડેમમાં નવા નીરની આવક થતાં ડેમ ઓવરફ્લો થયો છે. ત્યારે તંત્ર દ્વારા નદી કિનારાના અને નીચાણવાળા વિસ્તારોને એલર્ટ કરી દેવાયા છે.

24 કલાકમાં ગુજરાતમાં ધોધમાર વરસાદ ખાબક્યો છે. તો ઉપરવાસમાં ભારે વરસાદને લઈને જામનગરની જીવાદોરી સમો સસોઈ ડેમ ઓવરફ્લો થયો છે. જેથી ડેમમા જળ સપાટી અડધા ફૂટથી ઓવરફ્લૉ થઇ છે. જેને લઇ સસોઇ ડેમ માંથી પાણી છોડવામાં આવી રહ્યું  છે. આથી નીચાણવાળા વિસ્તારો અને નદી કિનારે આવેલા તમામ ગામોના લોકોને એલર્ટ કરવાની સૂચના આપવામાં આવી છે. જિલ્લાનું વહીવટી તંત્ર એલર્ટ થઈ ગયું છે.