જામનગર મહાનગર પાલિકા દ્વારા આજે જનરલ બોર્ડની બેઠક મળી હતી. વિરોધ પક્ષ દ્વારા બોવાવાયેલ આ બેઠકમાં રોગચાળાની ગંભીર સ્થિતિ અંગે વિપક્ષ દ્વારા આકરા પ્રહારો કરવામાં આવ્યા હતા. વિકાસ ગાંડો થયો છે ના નારા સાથે વિપક્ષે સતાધારી જૂથને સાણસામાં લેવાનો પ્રયાસ કર્યો હતો.
જામનગર મહાનગર પાલિકાની આજે મળેલી જનરલ બોર્ડની બેઠકમાં વિપક્ષે આક્રમક મૂળ અપનાવ્યો હતો. સફાઈ કામદારોના ધરણા અને મિજાજને અંતે ગત મહિનાની જનરલ બોર્ડની મીટીંગ તુરંત જ આટોપી લેવામાં આવી હતી. આ બેઠક ફરી થી બોલાવવાની વિપક્ષની માંગણીને લઈને આજે બેઠક મળી હતી. વિપક્ષી નેતા અસલમ ખીલજીએ શરુઆતથી જ રોગચાળાનો મુદ્દો ઉઠાવી લેતા બેઠક તોફાની બની ગઈ હતી
જો એક સપ્તાહમાં મહાપાલિકા રોગચાળાને રોકવા યોગ્ય દિશામાં કાર્યવાહી નહિ કરે તો વિપક્ષ જનતાને સાથે રાખી આંદોલન કરશે એમ વિરોધ પક્ષ દ્વારા ચીમકી ઉચ્ચારવામાં આવી હતી. તો વિપક્ષ દ્વારા વિકાસ ગાંડો થયો છે નો સુર વ્યક્ત કરાતા સતાધારી અને વિપક્ષ સામસામે આવી જતા ઉગ્ર બોલાચાલી થવા પામી હતી.
જનરલ બોર્ડના હોલના પાઈપ માંથી સતત ટપકતા પાણી બાબતે વિપક્ષ દ્વારા આકરા પાણી એ વિરોધ કરાતા મેયરે ‘વિકાસ ગાંડો છે અને રહેવાનો જ છે’ એમ પરખાવી દેતા વાતાવરણ ગરમ થઇ ગયું હતું. આ ઉપરાંત રખડતા ઢોર સફાઈ બંધ એલઈડી લાઈટ બાબતે વ્પ્ક્ષ દ્વારા ઉગ્ર રજુઆતો કરવામાં આવી હતી બીજી તરફ ગંભીર આર્થિક કટોકટી બાબતે મહાપાલિકાએ સ્વેત પત્ર જરી કરવાની પણ વિપક્ષ દ્વારા માંગણી કરવામાં આવી હતી.
બીજી ઉડીને આખે વળગે તેવી વાત એ હતી કે હાલ માં જ ભાજપમાંથી સસ્પેન્ડ કરી દેવાયેલા કોર્પોરેટર કરસન કરમુર ભાજપના જ સતાધારી જૂથ સાથે એકદમ આત્મીયતાથી બેઠા નજરે પડ્યા હતા.