શશિકલાના ઠેકાણાઓ પર ITના દરોડા મળી 1430 કરોડની અઘોષિત સંપતિ

ચેન્નઈઃ તમિલનાડુમાં એક સમયે રાજકારણમાં ધુરંધર AIADMK નેતા વી.કે.શશિકલા પર ઇનકમ ટેક્સ વિભાગે સકંજો કસ્યો છે. શશિકલા તેના સંબંધીઓ અને સહયોગીઓ સાથે જોડાયેલા ઠેકાણાઓ પર ઇનકમ વિભાગે દરોડા પાડયા હતા.

આ દરોડામાં 1 430 કરોડ રૂપિયાની અઘોષિત સંપતિની જાણકારી મળી છે. ઇનકમ ટેક્સ વિભાગના અધિકારીઓએ ટેક્સ ચોરીની શંકામાં ગુરૂવારે રાજ્યના વિવિધ શહેરોમાં સ્થિત 187 ઠેકાણાઓ પર એકસાથે દરોડા પાડયા હતા.

આ તમામ ઠેકાણા શશિકલા તેના ભત્રીજા ટીટીવી દીનાકરણ અને તમિલ ચેનલ જયા ટીવી સાથે જોડાયેલા છે. દરોડામાં સાત કરોડ રૂપિયાથી વધારે રકમ અને પાંચ કરોડ રૂપિયાની જ્વેલરી મળી આવી છે.