સુરતઃ GST અમલી થયા બાદ સુરતમાં કાપડના વેપારીઓ દ્વારા કરવામાં આવેલી હડતાળમાં એક પોલીસ કર્મચારી દ્વારા વાતાવરણ ડહોળવાનો પ્રયાસ કરવામાં આવ્યો હોવાનો આક્ષેપ થયો છે. આ આક્ષેપ કર્યો છે નવસારીના સાંસદ સી.આર. પાટીલે. આ મુદ્દે તેઓએ સંકલન બેઠકમાં કલેક્ટરને લેખિતમાં ફરિયાદ કરી છે.
તેમનો આક્ષેપ છે કે જુલાઈ મહિનામાં GST લાગુ કરાયા બાદ કાપડના વેપારી દ્વારા હડતાળ કરી વિરોધ કરવામાં આવ્યો હતો. તે સમયે સલાબતપુરા પોલીસ મથકમાં ફરજ બજાવતા PI સિંધુ તે સમયે અસામાજિક તત્વો અને વિરોધ પક્ષના આગેવાનો સાથે મળીને આ આંદોલન સમયે વાતાવરણ ડોરવાનો પ્રયાસ કરવામાં આવ્યો હોવાનો આક્ષેપ કરવામાં આવ્યો છે. અને PI સિંધુના મોબાઈલની કોલ ડિટેઈલ ચકાસવામાં આવે તેવી રજૂઆત પણ કરવામાં આવી છે.