ઇઝરાયલના પ્રધાનમંત્રી બેન્જામીન નેતન્યાહૂ તેમની ભારત મુલાકાત દરમિયાન બુધવારે અમદાવાદની મુલાકાતે આવી પહોંચ્યા છે. તેમના પહેલા સ્વાગત માટે પ્રધાનમંત્રી નરેન્દ્ર મોદી અમદાવાદ એરપોર્ટ આવી પહોંચ્યા હતા. તેમના સ્વાગત માટે મુખ્યમંત્રી વિજય રૂપાણી રાજ્યપાલ ઓ.પી. કોહલી સહિતના મહાનુભવો પહોંચ્યા હતા. પ્રધાનમંત્રી મોદીએ પરંપરાગત રીતે તેમનું સ્વાગત કર્યું હતું.
અમદાવાદમાં છેલ્લા 2 વર્ષમાં ચીન અને જાપાનના પ્રધાનમંત્રી આવી ચૂક્યા છે. આજે ઇઝરાયલના પ્રધાનમંત્રી આવી પહોંચ્યા છે. પ્રધાનમંત્રી મોદી અને ઇઝરાયલના પ્રધાનમંત્રી નેતન્યાહુ અમદાવાદના વિવિધ સથ્ળોની મુલાકાત કરશે. આ દરમિયાન મહેમાન પ્રધાનમંત્રી માટે ખાસ વાનગીઓ તૈયાર કરવામાં આવી છે.