ગાઝિયાબાદઃ ઉત્તર પ્રદેશના ગાઝિયાબાદમાં આવેલા અને અત્યંત સંવેદનશીલ એવા હિંડન એરબેઝમાં એક શખ્સે ઘુસણખોરી કરવાની કોશિશ કરી. જો કે વાયુસેનાના જવાનોએ શંકાસ્પદ શખ્સ પર ગોળી ચલાવી.
જેમાં શંકાસ્પદ યુવકને પગમાં ઇજા પહોંચી છે. પોલીસને પ્રાથમિક તપાસમાં જાણવા મળ્યું છે કે યુવક પ્રતાપગઢનો રહેવાસી છે. હાલ શંકાસ્પદને એરફોર્સની હોસ્પીટલમાં દાખલ કરવામાં આવ્યો છે. સારવાર બાદ શંકાસ્પદની વધુ પુછપરછ હાથ ધરાશે.
આ ઘટના રાત્રે 9 કલાકની આસપાસની છે. તમને જણાવી દઇએ કે હિંડન એરબેઝ સુરક્ષાની દ્રષ્ટિએ અત્યંત સંવેદનશીલ છે. અને આ ઘટના બાદ અલર્ટ જાહેર કરી દેવાયું છે.