ચેન્નઇઃ ઓસ્ટ્રેલિયા વિરૂદ્ધ વનડે સિરીઝની પહેલી મેચમાં ભારતે 6 ઓવરમાં 2 વિકેટ ગુમાવી 11 રન બનાવ્યા છે. રોહિત અને કેદાર જાધવ મેદાન પર છે.
આ પહેલા ભારતે ટોસ જીતી પહેલા બેટિંગ કરવાનો નિર્ણય લીધો હતો. ટીમ ઇન્ડિયામાં અજિંક્ય રહાણે રોહિત શર્માની સાથે ઓપનિંગ કરશે અને મનીષ પાંડે નંબર 4 પર રમશે. ઓસ્ટ્રેલિયાની ટીમમાં હોલ્ટોન કાર્ટરાઇટે પોતાના વનડેમાં ડેબ્યૂ કર્યું છે. ત્યારે ટીમમાં જેમ્સ કોકનર અને નાથન કુલ્ટર નાઇલની વાપસી થઇ છે.
બન્ને ટીમોનો રેકોર્ડ
- ભારત અને ઓસ્ટ્રેલિયા વચ્ચે આજ સુધી કુલ 123 વનડે મેચ રમાઇ છે જેમાંથી ભારતે 41 જીતી છે ત્યારે ઓસ્ટ્રેલિયાને 72 મેચોમાં જીત મળી છે. 10 મેચોનું કોઇ રિઝલ્ટ નિકળ્યું નથી.
- ભારતીય જમીન પર બન્ને ટીમો વચ્ચે આજ સુધીમાં કુલ 51 વનડે રમાઇ છે. જેમાંથી 21 ભારતે જીતી છે ત્યારે 25 ઓસ્ટ્રેલિયાએ જીતી છે. પાંચ મેચોનું કોઇ રિઝલ્ટ નિકળ્યું નથી.
- ભારતે ચેન્નઇના આ મેદાન પર રમાયેલ 11માંથી 6 મેચ જીતી છે જ્યારે ચાર મેચ હાર્યા છે અને એક મેચનું કોઇ પરિણામ આવ્યું નથી. ભારતે અહીં છેલ્લી 5 માંથી 4 મેચ જીતી છે.
- ચેન્નઇના આ એમએ ચિદન્બરમ્ મેદાન પર બન્ને ટીમો વચ્ચે 30 વર્ષ બાદ મેચ રમાઇ રહી છે. આ પહેલા આ મેદાન પર 1987માં બન્ને ટીમ આમને-સામને થઇ હતી. જ્યારે ઓસ્ટ્રેલિયાએ 1 રનથી જીત મેળવી હતી.