જમ્મૂ-કશ્મીરમાં લાઈન ઓફ કંટ્રોલ પર આતંકીઓની ઘૂસણખોરીને અટકાવકતા સેનાના જવાનોએ હથિયારોનો મોટો જથ્થો ઝડપી પાડયો છે.સાથે જ એક ઘૂસણખોરને ઠાર પણ કર્યો છે.
આ ઘટના અંગે સેનાના અધિકારીના જણાવ્યા પ્રમાણે આ એક પાકિસ્તાન આર્મી તરફથી ઘડાયેલું ષડયંત્ર હતું.જેમાં આતંકીઓને ઘૂસણખોરી કરાવવા માટે પાકિસ્તાન દ્વારા ફાયર સપોર્ટ આપવામાં આવ્યો હતો.પરંતુ સેનાના જવાઓએ પાકિસ્તાનના આ નાપાક પ્લાનને નિષ્ફળ બનાવતા એક આતંકીને ઠાર માર્યો છે.
જ્યારે બાકીના ત્રણ જેટલા આતંકી ઘાયલ હાલતમાં હથિયારો છોડી પાકિસ્તાન તરફ ફરાર થઈ ગયા છે.આ હથિયારોમાં 4 ડિસ્પોઝેબલ રોકેટ લોન્ચર્સ ત્રણ RPGના ગ્રેનેટ 7 હેન્ડ ગ્રેનેટ સહિતના હિંસક હથિયારો સામેલ છે.