ભારત VS શ્રીલંકા: ભારતની 6 વિકેટ શાનદાર જીત

ટીમ ઈન્ડીયા અને શ્રીલંકા વચ્ચેની પાંચમી વન ડે મેચ આર પ્રેમદસા સ્ટેડિયમ કોલંબોમાં રમાઈ. જેમાં શ્રીલંકાએ પહેલા બેટિંગ કરી ટીમ ઈન્ડીયાને જીતવા માટે 239 રનનો લક્ષ્યાંક આપ્યો હતો. જવાબમાં ભારતની ટીમે પીછો કરી ઓવરમાં વિકેટ ગુમાવી 6 વિકેટે શાનદાર જીત મેળવી લીધી છે. ભારત તરફથી વિરાટ કોહલીએ શાનદાર 110 રનની પારી રમી ભારતને જીત અપાવી છે.  

આજે ટીમ ઈન્ડીયાને પહેલો ઝટકો 5મી ઓવરમાં લાગ્યો જ્યારે 17 રનના સ્કોર પર લસિથ મલિંગાએ આજિંક્ય રહાણેને આઉટ કર્યો. આજિંક્ય રહાણે માત્ર પાંચ રન બનાવી આઉટ થઈ ગયો. બીજી વિકેટ રોહિત શર્માની પડી તેણે 16 રન બનાવ્યા. ત્રીજી વિકેટ મનીષ પંડ્યાની પડી મનીષ પંડ્યા 26મી ઓવરમાં મિલિંદા પુષ્પકુમારની ઓવરમાં 36 રન બનાવી કેચ આઉટ થઈ ગયો.

જો શ્રીલંકા ટીમની વાત કરીએ તો શ્રીલંકાએ ટોસ જીતી પ્રથમ બેટિંગ કરવાનો નિર્ણય લીધો હતો. શ્રીલંકાની ટીમ 49.4 ઓવરમાં 238 રન બનાવી ખખડી પડી. શ્રીલંકા તરફથી લાહિરૂ થિરિમાને 67 રન એંજેલો મેથ્યૂજે 55 રન આ સિવાય કપ્તાન ઉપુલ તરંગાએ 48 રન બનાવ્યા. લાહિરૂ થિરિમાને અને એંજેલો મેથ્યૂજે ચોથી વિકેટે મળીને 122 રનની પાર્ટનરશિપ કરી. ટીમ ઈન્ડીયા તરફથી ભુવનેશ્વર કુમારે શાનદાર બોલીંગ કરી 5 વિકેટ ઝડપી. ખાસ વાત એ છે કે ભુવનેશ્વર કુમારની વન ડે કરિયરનું આ બેસ્ટ પરફોમન્સ છે