વિરાટ કોહલીની 35મી વનડે સદી સાથે ભારતે સાઉથ આફ્રિકા સામેની શ્રેણી પર 5-1થી વિજય હાંસલ કરતા દેશમાં ખુશીનો માહોલ છવાઇ જવા પામ્યો હતો.ઉલ્લેખનીય છે કે સમગ્ર શ્રેણી દરમ્યાન ભારત સામે સાઉથ આફ્રિકાએ એક વખત જીત મેળવી હતી.અને બાકીની મેચમાં ભારતે જીતી વિજય હાંસલ કરી ભારતનું નામ રોશન કર્યું હતુ.
ભારતીય ખેલાડીઓએ આ શ્રેણી જીતી લેતા દેશમાં દિવાળીનો માહોલ સર્જાયો હતો.આ જીતને ઠેર-ઠેર ફટાકડા ફોડીને વધાવવામાં આવ્યો હતો.આખરી મેચમાં સાઉથ આફ્રિકાએ ભારતને 205 રનનો લક્ષ્યાંક આપેલ જેમાં સાઉથ આફ્રિકાની ટિમ 46.5 ઓવરમાં ઓલ આઉટ થઇ હતી.જો કે ત્યારબાદ ભારતીય ખેલાડીઓએ માત્ર 2 વિકેટ ગુમાવી 33 ઓવરમાં 206 રન બનાવીને શ્રેણી વિજય મેળવ્યો હતો.
ભારતીય ક્રિકેટ ટિમના કપ્તાન વિરાટ કોહલીએ 129 રન અને રહાણે 38 રન કરી અણનમ રહ્યા હતા. આપને જણાવી દઇએ કે વિરાટ કોહલીએ કોઈ દ્વિપક્ષીય શ્રેણીમાં કેપ્ટન તરીકે સૌથી વધુ રન બનાવનાર ઓસ્ટ્રેલિયાના જોર્જ બેલીનેલ રેકોર્ડ તોડ્યો છે. વિરાટને શ્રેણીનો સર્વશ્રેષ્ઠ ખેલાડી જાહેર કર્યો છે.