રાંચીઃ વન ડે સીરીઝમાં ઓસ્ટ્રેલિયાને 4-1થી કારમો પરાજય આપ્યા બાદ ભારતીય ટીમનો જુસ્સો આસમાને હતો ત્યારે આજથી શરૂ થયેલ ટી-20 શ્રેણીની પ્રથમ મેચમાં ઓસ્ટ્રેલીયાએ પ્રથમ બેટીંગ કરી 18.4 ઓવરમાં 118 રન બનાવ્યા હતા. ત્યારબાદ વરસાદ શરૂ થતા ભારતને ડકવર્થ લુઇસ નિયમ પ્રમાણે 6 ઓવરમાં 48 રનનો પડકાર આપવામાં આવ્યો હતો. ભારતે આ પડકાર જીલી માત્ર 5.3 ઓવરમાં 49 રન બનાવી શાનદાર જીત મેળવી લીધી છે.
ઉલ્હાલેખનીય છે કે હાલમાં ભારતીય ટીમ છેલ્લી છ મેચથી સતત ટી-20માં જીત મેળવી રહી છે. ત્યારે આજે ઓસ્ટ્રેલિયા સામેની મેચમાં પણ ભારતે જીતની લહેર ચાલુ રાખી દેશવાસીઓના મન મોહીા લીધા હતા. ત્રણ મેચની ટી-20 શ્રેણીની પ્રથમ મેચ આજે પૂર્વ કપ્તાન મહેન્દ્રસિંહ ધોનીના ગૃહનગર રાંચી ખાતે રમાઈ હતી.
ટીમ ઇન્ડીયા ઓસ્ટ્રેલિયા સામે સતત સાતમી જીત મેળવવાની કોશિશ કરી હતી જેમાં ભારતને સફળતા મળી છે. જ્યારે ઓસ્ટ્રેલિયા સતત પાંચ વર્ષથી ભારત સામે ટી-20માં ચાલી રહેલા પરાજયને રોકવાની મહેનત કરવા ઉતર્યું પરંતુ વરસાદના વિઘ્ન બાદ તેને ફરી નિષ્ફળતાનો સામનો કરવો પડ્યો.