નવી દિલ્હીઃ નોટબંધી અને GSTની દેશમાં ભલે નિંદા થઇ રહી છે. ધીમા વિકાસને લઇને નાણામંત્રી અરૂણ જેટલી ઇને મોદી સરકારની નીતિઓને જવાબદાર ગણવામાં આવી રહી હોય. પરંતુ IMFના ચીફ ક્રિસ્ટીન લેગાર્ડે ભારતીય અર્થવ્યવસ્થાની ઘણી જ પ્રશંસા કરી છે. પાછલા દિવસોમાં જ IMFએ ભારતીય અર્થવ્યવસ્થાના વિકાસ દરના પોતાનો અંદાજ ઘટાડી દીધો હતો. જો કે IMF ચીફે કહ્યું છે કે ભારતીય અર્થવ્યવસ્થા ખૂબ જ મજબૂત રસ્તા પર છે.
ક્રિસ્ટીન લેગાર્ડે કહ્યું કે તેમણે ભારતીય અર્થવ્યવસ્થાના વિકાસ દરનો અંદાજ ઘટાડયો છે. પરંતુ તેમને વિશ્વાસ છે કે ભારત મીડિયમ અને લોંગ ટર્મમાં વિકાસના રસ્તા પર છે. લેગાર્ડે ભારતમાં આર્થિક સુધારાઓ માટે ઉપાડવામાં આવેલા બે પગલા નોટબંધી અને GSTને શાનદાર ગણાવ્યા છે.