ગ્લોબલ હંગર ઇન્ડેક્સમાં ભારત 100માં નંબર પર : બાંગ્લાદેશથી પણ પાછળ

નવી દિલ્હી : એક રિપોર્ટ અનુસાર ભારતમાં ભુખ એક ગંભીર સમસ્યા છે અને 119 દેશનાં વૈશ્વિક ભુખ સુચકાંકમાં ભારત 100માં સ્થાન પર છે. ભારત ઉત્તર કોરિયા અને બાંગ્લાદેશ જેવા દેશોથી પાછળ છે પરંતુ પાકિસ્તાનથી આગળ છે. ઇન્ટરનેશનલ ફૂડ પોલિસી રિસર્ચ ઇસ્ટીટ્યૂટએ પોતાનાં રિપોર્ટમાં કહ્યું કે બાળકોનાં કુપોષણનાં ઉચ્ચ દરથી દેશમાં ભૂખનું સ્તર એટલું ગંભીર છે અને સામાજિક ક્ષેત્રને તેનાં પ્રત્યે મજબુત પ્રતિબદ્ધતા દેખાડવાની જરૂર છે.

ગત્ત વર્ષે ભારત આ સૂચકાંકમાં 97માં સ્થાન પર હતો. આઇએફપીઆરઆઇએ એક નિવેદનમાં કહ્યુ કે 119 દેશોમાં ભારત 100માં સ્થાન પર છે અને સમગ્ર એશિયામાં માત્ર અફઘાનિસ્તાન અને પાકિસ્તાન જ તેની પાછળ છે. તેમણે કહ્યું કે 31.4ની સાથે ભારતનું 2017નાં જીએચઆઇ (વૈશ્વિક ભુખ સુચકાંક ) અંક ઉચાઇની જેમ વધારે એક ગંભીર શ્રેણીમાં છે.

 તે મુખ્ય કારકોમાંથી એક છે જેનાં કારણે દક્ષિણ એશિયા આ વર્ષે જીએચઆઇમાંસૌથી ખરાબ પ્રદર્શન કરનારા ક્ષેત્રો પૈકીનો એક છે. રિપોર્ટ અનુસાર ભારત ચીન (29) નેપાળ (72) મ્યાનમાર (77) શ્રીલંકા (84) અને બાંગ્લાદેશ (88)થી પાછળ છે. પાકિસ્તાન અને અફઘાનિસ્તાન ક્રમશ 106માં અને 107માં સ્થાન પર છે.