શાબાશ વિરાટ! ટીમ ઇન્ડિયાએ સતત 9 વનડે સીરિઝ જીતીને તોડ્યો ઑસ્ટ્રેલિયાનો રેકોર્ડ

વિરાટ બ્રિગેડે સાઉથ આફ્રિકાને 5મી વનડેમાં હરાવીને સીરિઝમાં 4-1 આગળ છે. આ સાથે જ ટીમ ઇન્ડિયાએ 26 વર્ષમાં પહેલી વખત સાઉથ આફ્રિકાની ધરતી પર વન ડે સીરિઝ જીતીને ન તો માત્ર ઇતિહાસ રચ્યો પરંતુ સતત 9મી વનડે સીરિઝ જીતીને ઑસ્ટ્રેલિયાને પછાડી દીધું છે. 

સતત સૌથી વધારે દ્વિપક્ષીય વનડે સીરિઝ જીતવાની વાત કરવામાં આવે તો આ રેકોર્ડ વેસ્ટ ઇન્ડિઝના નામ પર છે. જેમાં મે 1980થી માર્ચ 1988ના દરમિયાન સતત 15 સીરિઝ પર જીત મેળવી છે. હવે ટીમ ઇન્ડિયા સતત 9 સીરિઝ જીતીને બીજા સ્થાન પર આવી ગઇ છે જ્યારે ઑસ્ટ્રેલિયા 8 સીરિઝ જીતીને ત્રીજા સ્થાન પર છે. 

સતત સીરિઝ જીતવાનો રેકોર્ડ:

15 - વેસ્ટઇન્ડિઝ (1980-1988)
(જેમાં એક વનડે સીરિઝ પણ શામેલ છે ભારતની વિરુદ્ઘ જાન્યુઆરી 1988માં)

9- ટીમ ઇન્ડિયા (2016થી લઇને હજુ સુધી ચાલુ)

8 - ઑસ્ટ્રેલિયા (2009-2010)

7- પાકિસ્તાન (2011-2012)

ઝિમ્બાબ્વેની સાથે થઇ જીતની શરૂઆત:

ટીમ ઇન્ડિયા સતત 9 વનડે સીરિઝની જીતની શરૂઆત 2016માં ઝિમ્બાબ્વેની જીતથી શરૂ થયું હતુ. આ પછી ટીમ ઇન્ડિયાએ ન્યૂઝીલેન્ડ (2016) ઇંગ્લેન્ડ વેસ્ટઇન્ડિઝ શ્રીલંકા ઑસ્ટ્રેલિયા ન્યૂઝીલેન્ડ શ્રીલંકા (2017)ના પછી સાઉથ આફ્રિકાના હરાવીને ખાસ ઉપલબ્ધિ મેળવી હતી. 

વનડે સીરિઝમાં ટીમ ઇન્ડિયાનો વિજય રથ:

ટીમ ઇન્ડિયાનો ઝિમ્બાબ્વે પ્રવાસ- 3 મેચની વનડે સીરિઝ 2016- ટીમ ઇન્ડિયા 3-0થી વિજયી

ન્યૂઝીલેન્ડનો ભારત પ્રવાસ- 5 મેચની ટેસ્ટ સીરિઝ 2016- ટીમ ઇન્ડિયા 3-2થી વિજયી

ઇંગ્લેન્ડનો ભારત પ્રવાસ- 3 મેચની વનડે સીરિઝ 2017- ટીમ ઇન્ડિયા 2-1થી વિજયી

ટીમ ઇન્ડિયાનો વેસ્ટ ઇન્ડિઝ પ્રવાસ- 5 મેચની વનડે સીરિઝ 2017- ટીમ ઇન્ડિયા 3-1થી વિજયી

ટીમ ઇન્ડિયાનો શ્રીલંકા પ્રવાસ-  5 મેચની વનડે સીરિઝ 2017- ટીમ ઇન્ડિયા 5-0 થી વિજયી

ઑસ્ટ્રેલિયાનો ભારત પ્રવાસ- 5 મેચની વનડે સીરિઝ 2017- ટીમ ઇન્ડિયા 4-1 થી વિજયી

ન્યૂઝીલેન્ડનો ભારત પ્રવાસ- 3 મેચની વનડે સીરિઝ 2017- ટીમ ઇન્ડિયા 2-1થી વિજયી

શ્રીલંકાનો ભારત પ્રવાસ- 3 મેચની વનડે સીરિઝ 2017- ટીમ ઇન્ડિયા 2-1થી વિજયી

ટીમ ઇન્ડિયાનો સાઉથ આફ્રિકાનો પ્રવાસ- 6 મેચની વનડે સીરિઝ 2018- ટીમ ઇન્ડિયા 4-1થી આગળ