IND vs SL: મેચ પહેલા રાષ્ટ્રગીત વખતે ચ્યૂઇંગ ગમ ચાવતો જોવા મળ્યો વિરાટ કોહલી વીડિયો વાયરલ

ભારતીય ક્રિકેટ ટીમના કેપ્ટન વિરાટ કોહલી શ્રીલંકા વિરુદ્ઘ પહેલી ટેસ્ટ મેચના પહેલા દિવસે રાષ્ટ્રગીત વખતે ચ્યૂઇંગ ગમ ચાવતો જોવા મળ્યો હતો. વરસાદને કારણે કોલકાતાના ઇડન ગાર્ડંસ ગ્રાઉન્ડ પર મેચ મોડી શરૂ થતા ટૉસ થવામાં પણ મોડુ થયું હતુ. ભારતીય સમયાનુસાર ટૉસ 1 વાગે થયો હતો. શ્રીલંકાની ક્રિકેટ ટીમના કેપ્ટન દિનશ ચાંડીમલે ટૉસ જીતીને બૉલિંગ કરવાનો નિર્ણય કર્યો છે. આ વચ્ચે સોશ્યલ મીડિયા પર વાયરલ થયેલા આ વીડિયોમાં કોહલી ચ્યૂઇંગ ગમ ચાવતો જોવા મળ્યો હતો જ્યારે બેકગ્રાઉન્ડમાં રાષ્ટ્રગીત વાગી રહ્યુ હતુ. રાષ્ટ્રગીત સમયે સાવધાન મુદ્રામાં હોવાનો નિયમ છે.

Watch Video Here
 

pic.twitter.com/MbTYPphjZT

— cricket (@84107010ghwj) November 16 2017

આ વર્ષે ઇંગ્લેન્ડમાં T-20 સીરિઝ દરમિયાન ઇન્ટરનેશનલ ક્રિકેટ કરિયરની શરૂઆત કરનાર ઑફ સ્પિનર પરવેઝ રસૂલ પણ આ કરતો જોવા મળ્યો હતો. રસૂલ પણ રાષ્ટ્રગીત દરમિયાન આવું કરવા પર સોશ્યલ મીડિયા પર ફેન્સે ટીકાઓનો શિકાર બન્યો હતો.

ટીમ ઈન્ડિયાના કેપ્ટન વિરાટ કોહલીએ કોલકાતા ટેસ્ટ મેચ પહેલા મીડિયા સાથે વાતચીત કરી હતી. પ્લેયર્સને આરામ આપવાના સવાલ પર તેણે કહ્યું કે જોવા જઈએ તો કોઈ પણ પ્લેયર માટે શક્ય નથી કે ત્રણ ફોર્મેટમાં સતત રમતા રહે. હું પણ કોઈ રોબોટ નથી અને મારે પણ આરામની જરુર હોય છે. તમે મારી સ્કિન નીકાળીને જોઈ શકો છો ત્યાંથી લોહી જ નીકળશે.

સ્ટાર ઓલરાઉન્ડર હાર્દિક પંડ્યાને શ્રીલંકા સામેની ટેસ્ટ મેચમાં આરામ આપવા બાબતે પૂછવામાં આવેલા સવાલ પર કોહલીએ આવો જવાબ આપ્યો હતો. કોહલીએ કહ્યું કે દરેક ભારતીય ક્રિકેટર વર્ષમાં40 મેચ રમે છે. જેના પર સૌથી વધારે પ્રેશર હોય છે તેને આરામની જરુર પડે જ છે.