ટીમ ઈન્ડિયા અને દક્ષિણ આફ્રિકા વચ્ચેની 6 ODI મેચોની શ્રેણીની આજે ફાઇનલ મેચ છે. આ મેચ સેન્ચ્યુરિયન્સના સુપર સ્પેસ પાર્ક સ્ટેડિયમમાં રમવામાં આવશે. વિરાટ અને ટીમ દક્ષિણ આફ્રિકા સામે ઐતિહાસિક વિજય માટેની તૈયારી કરી છે. જો આજની માચ જીતી જઈએ તો 5-1 સાથે શ્રેણી જીતશું.
યજમાનો એવી પરિસ્થિતિમાં મુકાયા છે કે એમની પાસે એક જ વિકલ્પ છે. આ શ્રેણીનીનો અંત જીત સાથે કરે પરંતુ તેમના માટે આ કરવું સહેલું નથી કેમ કે ભારતે આ સમગ્ર શ્રેણીમાં દરેક વિભાગમાં યજમાન સામે શ્રેષ્ઠ ભૂમિકા ભજવી છે.
ટીમ ઈન્ડિયા પહેલાથી જ શ્રેણી 4-1થી જીતી ચુકી છે પરંતુ તેઓ કોઈ પણ સંજોગોમાં હારથી આ શ્રેણીને સમાપ્ત કરવા માંગતા નથી.
આ પીચ પર બંને ટીમોની આ બીજી વનડે મેચ છે. ગત મેચમાં ભારત નવ વિકેટથી જીત્યું હતું. ટીમ ઇન્ડિયા સેન્ચ્યુરિયન સુપર સ્પેસ પાર્કમાં દક્ષિણ આફ્રિકા પર પ્રભુત્વ ધરાવે છે. બંને ટીમો વચ્ચે અહીં 6 માચો રમાઈ ચુકી છે. જેમાંથી 3 મેચમાં ભારત વિજેતા બન્યું હતું જ્યારે દક્ષિણ આફ્રિકા 2 મેચ જીત્યું છે. આ ઉપરાંત એક મેચ અનિર્ણિત રહી હતી!