અમદાવાદ: શહેરમાં તંત્ર દ્વારા લોકોને મુસાફરી માટે AMTSની સેવા શરૂ કરવામાં આવી છે. ત્યારે હવે AMTSના ભાડામાં વધારો કરવામાં આવ્યો છે.
આ અંગે પ્રાપ્ત થતી વિગતોનુસાર તંત્ર દ્વારા મનપસંદની ટિકિટમાં 5 રૂપિયાનો વધારો કરવામાં આવ્યો છે. ત્યારે હવે મનપસંદની ટિકીટ 30 રૂપિયાના દરથી 35 રૂપિયા થઈ છે. મનપસંદ ટિકિટના ભાડા વધારાથી દરરોજના 30 થી 35 હજાર ઊતારુઓ પ્રભાવિત થયા છે. જો કે મહિલાઓની મનપસંદ ટિકિટના રપિયા 20ના દર અને બાળકોની મનપસંદ ટિકિટના રૂપિયા 10નો દર યથાવત રાખવામાં આવ્યો છે. જો કે મહિલા અને બાળકો મળીને માંડ 15 હજાર ઊતારુઓ લાભ લે છે.
ઉલ્લેખનીય છે કે એએમટીએસના ઉતારુઓને માટે નોકરી ધંધાના સ્થળે જવા સમયસર બસ મળતી નથી અચાનક બસ રૂટ ટૂંકાવી કે ડાઇવર્ટ કરી દેવાય છે પિકઅવર્સમાં અપૂરતી સંખ્યામાં બસ રોડ પર મુકાતી હોઇ બસની બહાર લટકીને મુસાફરી કરવી પડે છે.