આજથી ફીફા અંડર-17 વર્લ્ડ કપની શરૂઆત PM મોદી આપશે હાજરી

નવી દિલ્હીઃ ભારતીય રમત માટે આજનો દિવસ ઘણો મહત્વનો છે. દેશમાં પ્રથમવાર ફીફા ટૂર્નામેન્ટનું આયોજન થઈ રહ્યું છે. આજથી ફીફા અંડર-17 વર્લ્ડ કપની શરૂઆત થવા જઈ રહી છે. પ્રથમ ભારતનો મુકાબલો અમેરિકા સાથે થશે. પ્રધાનમંત્રી નરેન્દ્ર મોદી આ મેચ જોવા માટે મેદાનમાં હાજર રહેશે. દિલ્લીના જવાહર લાલ નહેરુ સ્ટેડિયમમાં રાત્રે 8 કલાકે ભારતની મેચ શરૂ થશે. પીએમ મોદીની સાથે મેચ દેખવા માટે મોટી સંખ્યામાં બાળકો પણ જશે.

મેચની મોટાભાગની ટિકિટો પણ વેચાઈ ગઈ છે. મહત્વનું છે કે આઝાદી બાદ એવું પ્રથમ વાર થઈ રહ્યું છે કે ભારત ફીફા વર્લ્ડ કપમાં ભાગ લઈ રહ્યું હોય. આ પૂર્વે 1950માં ભારતને સિનિયર વર્લ્ડ કપ રમવાની તક મળી હતી. ત્યારે ભારતે આ ઓફર ફગાવી દીધી હતી. કારણ કે શરત શુઝ પહેરીને રમવાની હતી. પરંતુ હવે ભારત બદલાઈ ગયું છે. આપણે ક્રિકેટમાં બાદશાહ તો છીએ જ હવે વારો ફુટબોલમાં દમ દેખાડવાનો છે.