ગીર સોમનાથ: ગીર સોમનાથના રહેણાંક વિસ્તારમાં મગર આવતા અફરાતફરી મચી ગઇ હતી. દુદાણા ગામે મહાકાય મગર આવતાં મોટી સંખ્યામાં લોકો ઊમટી પડ્યા હતા.
આ અંગે પ્રાપ્ત થતી વિગતો અનુસાર ગીર સોમનાથના દુદાણા ગામે મહાકાય મગર ચઢી આવતા ગામના લોકોમાં અફરાતફરી મચી ગઇ હતી. મગરને જોતાં જ લોકો મોટી સંખ્યામાં ઊમટી પડ્યા હતા. જો કે વન વિભાગની રેસ્ક્યુ ટીમે દિલ ધડક રેસ્ક્યુ કરવામાં આવ્યું હતું. 6 કર્મચારીઓ દ્વારા સતત 2 કલાક રેસ્ક્યુ કરવામાં આવ્યું હતું. આ બે કલાકની જહેમત બાદ અંતે ખુંખાર મગર પાંજરામાં પુરાઇ ગયો હતો.
નોંધનીય છે કે દુદાણા ગામ પાસે સિંગોડા નદી પસાર થાય છે અને નદીમાંથી અવાર નવાર ગામમાં મગરો ઘૂસી આવે છે. સ્થાનિક લોકોના જણાવ્યા અનુસાર પકડાયેલી આ મગરને બે બચ્ચાં પણ છે.