RTOના નિયમથી વાહન ચાલકો લૂંટાયા શો-રૂમમાં મનફાવે તેમ વસુલાય છે નંબર પ્લેટના ભાવ

વાહનો પર લગાવવામાં આવતી નંબર પ્લેટને લઈ ગુજરાત સરકારે એક પરિપત્ર જાહેર કર્યો છે. આ પરિપત્રમાં જણાવાયું છે કે હવે જ્યાંથી વાહનો ખરીદો તે જ શો રૂમમાંથી નંબર પ્લેટ લગાવવાની રહેશે. સરકારના આ પરિપત્રનો ચારે બાજુ વિરોધ થઈ રહ્યો છે. કારણ કે હાલ શો-રૂમ માલિકો મન ફાવે તેમ નંબર પ્લેટના ભાવ લઈ રહ્યા છે. સરકારના પરિપત્રએ શો રૂમ માલિકોને ઉઘાડી લૂંટ કરવાની ખુલ્લી છૂટ આપી દીધી છે.

સરકારના પરિપત્રને કારણે શો રૂમ માલિકો ગ્રાહકો પાસેથી ખુલ્લેઆમ લૂંટ ચલાવી રહ્યા છે અને ગ્રાહક બિચારો મુક પ્રક્ષેક બનીને લુટાઈ રહ્યો છે. કારણે સરકારી આદેશ છે. એટલે વિરોધ પણ કેવી રીતે કરવો ? સરકારના નિમયમનું પાલન તો કરવું પડેને ?. પહેલા વાહન ખરીદનારા લોકો નંબર પ્લેટ જેતે પ્રાદેશિક વાહન વ્યવહારની કચેરીમાં જ લગાવતા હતા. મહેસાણા RTOમાં પહેલા વાહન ચાલકો પાસેથી રૂપિયા 140 ચાર્જ વસુલી નંબર પ્લેટ ફીટ કરી આપવામાં આવતી હતી પરંતુ સરકારના પરિપત્ર બાદ હાલ મહેસાણાના શો રૂમ માલિકો રૂપિયા 245થી પણ વધારે રૂપિયા ગ્રાહકો પાસેથી ખુલ્લેઆમ પડાવી રહ્યા છે. બમણો ચાર્જ વસુલાતા મહેસાણા RTO કચેરીને અનેક ફરિયાદો મળી છે.

બીજી તરફ આ મામલે જ્યારે મહેસાણા RTO ઓફિસરને પૂંછાતા તેમણે કહ્યું કે જેતે શો રૂમમાં નંબર પ્લેટ લગાવાની વાત પરિપત્રમાં છે પણ સાથે સાથે જો ગ્રાહકની ઈચ્છા હોય એન તે લેખિતમાં ડિલર પાસેથી લખાવીને લાવે તો RTO કચેરીમાં પણ નંબર પ્લેટ લગાવી અપાય છે.

હાલ તો સરકારના પરીપત્રએ વાહન ખરીદનારા લોકો માટે મોટી સમસ્યા સર્જી દીધી છે. HSRP નંબર પ્લેટ શો રૂમમાં લગાવવાની વાત કરાઈ છે તેના કારણે લોકોને હવે RTOની જગ્યાએ જેતે કંપનીના શો રૂમમાં ધક્કા ખાવાનો વારો આવ્યો છે. સાથે અધિકારીઓનું કહેવું છે કે પેપર લેસ કામગીરીના ભાગ રૂપે આ પરિપત્ર જાહેર કરાયો છે. હવે સરકારની આ નવી કામગીરી કેટલી સાચી છે કે ખોટી તેતો સમય જ બતાવશે.