જૂનાગઢમાં કોંગ્રેસના મહિલા કોર્પોરેટરના ઘર પર હુમલો થયાની ઘટના પ્રકાશમાં આવી છે. કોર્પોરેટરના ઘર પર કાચની બોટલ અને પથ્થરથી હુમલો કરાયો છે.
મળતી માહિતી અનુસાર ખાડિયા વિસ્તારમાં આવેલા મકાન પર પથ્થરમારો કરાયા બાદ 1 રાઉન્ડ ફાયરિંગ પણ થઈ હોવાનું સામે આવ્યું છે. જેમાં એક વ્યક્તિને ઈજા પહોંચી છે. જૂની અદાવતમાં મનદુખ રાખી સંજય ઉર્ફે બડીયાએ હુમલો કર્યો હોવાની શંકા છે. જોકે પોલીસ સ્ટેશનમાં સામ સામે ફરિયાદ દાખલ કરવામાં આવી છે.
જોકે હુમલાની સમગ્ર ઘટના સીસીટીવી કેમેરામાં કેદ થઈ ગઈ છે. સીસીટીવીમાં જોવા મળ્યું હતું કે10 જેટલા લોકોનું ટોળુ દોડી આવે છે અને પથ્થર તથા કાચની બોટલ મકાન પર ફેંકે છે. એટલું જ નહીં કેટલાક લોકોના હાથમાં લાકડી અને દંડા પણ હતા. ઘર પર હુમલો કર્યા બાદ 10 જેટલા લોકોનું ટોળુ ત્યાંથી પરત ફરી જાય છે.