અમિતશાહની રેલી પર ઓખી વાવાઝોડાની અસર

ભાવનગરઃ આગામી વિધાનસભાની ચૂંટણીના પ્રચાર માટે ભાજપના રાષ્ટ્રીય અધ્યક્ષ અમિત શાહ ગુજરાતના પ્રવાસે છે. અમિતશાહ પ્રવાસ દરમિયાન અમરેલીમાં જાહેર સભા કરવાના હતા. ત્યારે હવે વરસાદના કારણે અમિત શાહની અમેરેલી રાજુલા અને મહુવાની સભા રદ્દ થઈ છે.
 

તોફાની પવનો ફૂંકાવાની ચેતવણી આપવામાં આવી છે. ગુજરાતમાં ભારે વરસાદ ખાબકશે. જ્યારે મુંબઇમાં પણ ઓખીના કારણે કમોસમી વરસાદ વરસ્યો છે. અમદાવાદ અને રાજકોટમાં વરસાદી ઝાંપટા વરસ્યા હતા. ઘોઘા-દહેજ રો-રો ફેરી સર્વિસ 2 દિવસ માટે બંધ કરવાનો નિર્ણય કરવામાં આવ્યો છે. તમામ જિલ્લાઓના કલેક્ટરોને ખડે પગે રહેવા માટે સરકારે આદેશ કરવામાં આવ્યો છે.