અમરનાથની ગુફામાં બનતું પ્રાકૃતિક બર્ફાની શિવલિંગ સંપૂર્ણ દુનિયામાં પ્રસિદ્ધ છે. દરવર્ષે તેના દર્શન કરવા માટે શ્રદ્ધાળુઓ આવે છે. પરંતુ ઘણા ઓછા લોકોને ખબર હશે કે બર્ફાની શિવલિંગ માત્ર ભારતમાં જ નહીં પણ દુનિયાના અન્ય દેશોમાં પણ જોવા મળે છે. દુનિયામાં બીજી અનેક એવી બર્ફીલી ગુફાઓ છે જેમાં બરફથી બેલા શિવલિંગ જેવી આકૃતિઓ જોવા મળે છે.
આઇસરિજનવેલ્ટ (ઓસ્ટ્રેલિયા):
આ દુનિયાની સૌથી મોટી બર્ફાની ગુફા છે. અહીં પણ બરફ જામીને એક વિરાટ શિવલિંગ જેવી આકૃતિ બને છે તેની આજબાજુમાં આ પ્રકારની નાની-નાની ઘણી આકૃતિઓ જોઇ શકાય છે. મે મહિનામાં શરૂ થતા જ તેના દર્શન થવા લાગે છે અને આ ક્રમ ઑક્ટોરબરના અંત સુધી ચાલે છે.
દોબસીના (સ્લોવાકિયા):
સ્લોવાકિયાના દોબસીનામાં દોબસિંસ્કા નામની બર્ફાની ગુફા છે જેનું નામ યૂનેસ્કો વર્લ્ડ હેરિટેજની લિસ્ટમાં પણ નોંઘાયેલું છે. અહીં પણ બરફ જામીને શિવલિંગના સામાન જ આકૃતિ બની જાય છે. માઇનિંગ એન્જિનિયરિંગ ઇ.રફાનીએ 1870માં આ જગ્યાની શોધ કરી હતી.
મિટેલાલાલિન (સ્વિટ્ઝરલેન્ડ):
આ ગુફા ફેરી ગ્લેશિયરના નામથી પણ પ્રસિદ્ઘ છે. અહીં સુધી પહોંચવા માટે 70 ફૂટ લાંબી સુરંગથી પસાર થવું પડે છે.આ ગુફામાં પણ બરફથી બનેલી શિવલિંગની આકૃતિ દેખાય છે. અહીં રંગ-બેરંગી રોશનીની વ્યવસ્થા પણ જે છે જેમાં બરફની આકૃતિઓ ખૂબ સુંદર દેખાય છે.
મેંડેનહાલ (અલાસ્કા):
અહીં વર્ષ દરમિયાન બરફની કલાકારી જોઇ શકાય છે. ગ્લોબલ વોર્મિગના કારણે અહીં એવી બરફીલી આકૃતિઓ બની ગઇ છે. અહીં પણ નાના-મોટા શિવલિંગ માછલી સાપ જેવી અનેક આકૃતિ જોવા મળે છે.