નવી દિલ્હી: આધાર કાર્ડમાં તમારા દસ્તાવેજોથી જોડાયેલી ઘણી બધી જાણકારીઓ હોય છે સાથે તમારી ફિંગર પ્રિન્ટ અને રેટિનાની જાણકારી પણ હોય છે અને એવામાં તમારા આધાર કાર્ડનો ડેટા જો ખોટા માણસના હાથમાં લાગી જાય તો તમારે ભારે નુકસાનનો સામનો કરવો પડે છે. તમારી પરવાનગી વગર તમારો બાયોમેટ્રિક ડેટા કોઇ ચેક કરી શકે નહીં એના માટે અમે તમને કહેવા જઇ રહ્યા છીએ સરળ રીત જેના માટે તમારે ક્યાંય પણ જવાની જરૂર નથી. તમે ઘરે બેસીને સરળતાથી ડેટા લોક કરી શકો છો.
સૌથી પહેલા તો આધારકાર્ડની ઓફિસિયલ વેબસાઇટ http://uidai.gov.in/ પર જાવ.
હવે તમને અહીંયા આધાર ઓનલાઇન સર્વિસમાં 3 વિકલ્પ જોવા મળશે. એમાં સૌથી છેલ્લા આધાર સર્વિસમાં ત્રીજા નંબર પર લોક/અનલોક બાયોમેટ્રિકનું વિકલ્પ મળશે. હવે એની પર ક્લિક કરો.
ક્લિક કર્યા બાદ જે નવું પેજ ખુલશે ત્યાં તમારે તમારો આધાર નંબર અને એક સિક્યોરિટી કોડ નાંખવો પડશે. એને નાંખ્યા બાદ નીચે આવી રહેલા સેન્ડ ઓટીપી પર ક્લિક કરો. એની પર ક્લિક કરતાં જ આધાર નંબરની સાથે રજિસ્ટર મોબાઇલ નંબર પર ઓટીપી આવી જશે. હવે ઓટીપી નાંખીને લોગીન કરો.
હવે તમારો ડેટા લોક કરવા માટે ફરીથી સિક્યોરિટી કોડ નાંખીને એનેબલ પર ક્લિક કરો. અહીંયા ક્લિક કરતાં જ “Congratulation! Your Biometrics is Locked” લખેલું આવી જશે.
ડેટા અનલોક કરવા માટે પહેલાની જેમ લોગીન કરી લો. લોગીન કર્યા બાદ અનેબલ અને ડિસેબલ બંને વિકલ્પ મળશે. હવે એ પેજ પર જોવા મળી રહેલા સિક્યોરિટી કોડ નાંખીને અનેબલ પર ક્લિક કરી દો. ક્લિક કરતાં જ ડેટાનું લોક ખુલી જશે.